2012
Kōrā ro nejū ilo Aelōñ in Kiiñ eo Aō
M̧aaj 2012

Naan in Katak an Kōrā, M̧aaj 2012

Leddik ro Nejin ilo Aelōñ in Aō

Katak kōn kein katak in im, n̄e ekkar, ekōnono kake ippān jejtōr ro kom̧ij loļo̧k. Kōjerbal kajjitōk ko n̄an jipan̄ eok kōkajoorļo̧k jejtōr ro am̧ im n̄an kōm̧m̧an bwe Doulul eo an Kōrā ro en m̧ōttan eo emourur tata ilo mour eo am make.

Tōmak, Baam̧le, Doulul

Kimij kōrā ro nejin Jemed ilo Lañ E jeļā kajjied, ej iakwe kōj, im ewōr juon karōk n̄an kōj M̧ōttan karōk ņe ekoba itok ñan laļ ñan ekkatak ñan kālet em̧m̧an ioon nana. Ñe jej kālet ñan kōjparok kien ko an Anij, jej kautiej E im kūle wōn kōj āinwōt kōrā ro nejin Anij. Doulul eo an Kōrā ej jipañ kōj kememej jolet in ekwojarjar.

Doulul eo an Kōrā im bwebwenato in ej kōkajoorļo̧k im rie kōj. Julie B. Beck, Būreejtōn eo eutiej an Doulul eo an Kōrā, eaar ba: “Āinwōt leddik ro nejin Anij, kom̧ij kōppopo ñan ijjitōñ ko indeeo, im kajjojo iaami ewōr ami kakōlkōl in kōrā, piktok, im jerbal. Wōnm̧aan ļo̧k eo an baam̧le ko, jukjukin pād ko, Kabuñ in, im karōk in lo̧mo̧o̧r eo eaorōk rej pedped wōt ioon tōmak ko ami. … [Jemedwōj Ilañ] Eaar kōņaan bwe Doulul eo an Kōrā en jipañ kalek armej ro An im kepooj er ñan kōjram̧m̧an ko an tampeļ. Eaar kajutak [Doulul eo an Kōrā] ñan kajokunwōt juon leddik ro Nejin ilo jerbal eo An im kajjitōk jipañ eo aer ilo kalek aelōñ in kiiñ eo An im kōkajoorļo̧k im̧ōko im̧ōn Zaion.”1

Jemedwōj Ilan̄ eaar letok n̄an kōj kajjojo jerbal ñan jipañ kalōk aelōñ in Kiiñ eo An. E ar barāinwōt kōjeram̧m̧an kōj kōn menin letok ko an jetōb jej aikuji ñan kadedeikļo̧k jerbal in ba kake. Kōn Doulul eo an Kōrā, ewōr ad iien em̧m̧an ñan kōjerbal menin letok ko ad ñan kōkajoorļo̧k baam̧le ko, jipañ ro rej pād ilo aikuj, im ekatak wāwein ñan mour āinwōt rikaļooran Jisōs Kraist.

Būreejtōn Dieter F. Uchtdorf, Rikakipilōklōk eo Kein Karuo ilo Būreejtōnji eo Kein Kajuon, eaar ba kōn iaļan rikaļooran, “Ilo ad kijenmej im etal ilo ial eo an rikaļo̧o̧ran, jej kwaļo̧k n̄an kōj make jon̄ak eo kōn ad tōmak im kōņaan n̄an bōk an kilaan Anij ijjelo̧kin ko ad”2

Jen kememej kōj kōrā ro nejin Anij im kakkōt ñan mour āinwōt rikaļoor ro An. Āinwōt ad kōm̧m̧ane menin, jenaaj jipañ kalōk aelōñ in kiiñ eo Anij ijin iion laļ in im erom̧ kōrbab ñan ro̧o̧ļo̧k ñan pād Ippān.

Jen Jeje Ko Rekwojarjar

Zeckhariah 2:10; Doctrine and Covenants 25:1, 10, 16;138:38–39, 56; “Baam̧le Eo: Juōn Keañ Ñan Lal In” (Liaona im Ensign, Nob. 2010, 129)

Jen Bwebwenato eo Ad

Ilo Eprōļ 28, 1842, Rikanaan eo Joseph Smith eaar ba ñan kōrā ro jeid im jatid ilo Doulul eo an Kōrā: “Kwōj pād kiiō ilo juon jōkjōk me komaroñ m̧akūtkūt ekkar ñan eñjaake ko me Anij ear likit ilo [kom̧]. … Eļan̄ñe kwonaaj mour ekkar ñan jim̧we ko am, enjeļ ro rej jab maroñ dāpdep jen aer ami rijipañ.”3

Kūleļo̧k kajoor eo an Doulul eo an Kōrā ñan jerbal ñan ro jet im ñan jipañ kajjojo kōļapļo̧k ilo tōmak, Zina D. H. Young, Būreejtōn eo kein kajilu eļap an Doulul eo an Kōrā, eaar kallim̧uri kōrā ro jeid im jatid ilo 1893, “Eļan̄ñe kom̧ naaj pukōte būruwōmi kom̧ naaj lo, kōn jipañ eo an Jetōb eo an Irooj, pearl of great price eo, naan in kamool eo an jerbal in.”4

© 2012 jen Intellectual Reserve, Inc. Aolep jim̧we rej pād ippān. Jeje ilo Amedka. Kōmālim ilo kajin English: 6/11. Kōmālim an Ukook: 6/11. Ukook eo an Visiting Teaching Message, March 2012. Marshallese. 10363 874

Kakeememej ko

  1. Julie B. Beck, “‘Leddik ro Nejin ilo Aelōn̄ eo Aō’: Bwebwenato im Jerbal eo an Doulul eo an Kōrā,” Liaona, Oktoba. 2010, 61, 63.

  2. Dieter F. Uchtdorf, “Iial eo an Rikaļo̧o̧r,” Liaona, Eprōļ 2009, 76.

  3. Joseph Smith, ilo History of the Church, 4:605, 606.

  4. Zina D. H. Young, “How I Gained My Testimony of the Truth,” Young Woman’s Journal, Epr. 1893, 319.

Ta Eo Imaron̄ Kōm̧m̧ane?

  1. Ekōjkan aō maroñ jipañ kōrā ro jeiū im jatū tōpar aorōk eo aer āinwōt kōrā ro nejin Anij?

  2. Ekōjkan Aō maron̄ kōjerbal ilo mour e aō kipel im kakkōl ko leļo̧k n̄an kōrā ro ilo Doctrine and Covenants 25?