Ngeasek
Mlukrael er a Ngar el Profet
Sera lteruich me a elolem a rekik, eng mle ketengek el mo er a klou el ongdibel. A telungalk er ngak a kiliei er ngebard er a Oregon, USA, me a ki ulemekall el mo er a Utah e ngar er a klou el ongdibel e mereko ngoderii a klou el ochedak er a missionary training center.
Ak mlo er tial ongdibel el mla er ngii er a renguk a mo mosisechakl lokiu Chedaol Reng. Meng mlo uaisei, ak mlo omelchesiu er a Chedaol Reng el ngii a locha mlo sebechel dimlak bo kumelchesiu er ngii omko ng dimlak kldmokl.
Chelsel tial ongdibel, ea re bek el chad a mlo dechor e milngitakl er a chelitakl el, “Guide Us, O Thou Great Jehovah.” Tia er a ki mongitakl, eak mlo omelchesiu el kirek el omes el meliuekl er tial Conference Center. Me a kulemes e mlo mechas a renguk er a klisichel a kltalreng er a retelael chad el mla er ngii el dmak el rokui el mengitakl odanges el mo er a Dios.
Ak mla omelchesiu er a osisiu el teletael el uaia Nephi er sera lesang sel kerrekar er a klengar, ele Chedaol Reng a dilung er ngak el kmo, “Momes” (mesa 1 Nephi 11–14). A kulemes er a President Thomas S. Monson e mlo omelchesiu el kmo a kltalreng er a Ikelesia a ngar er ngii ele kid el ulekrael er a ngar el profet. Me ngokiu a sioning er a Chedaol Reng, eak medengei el kmo a President Monson a merang el profet er chelechal sils e dirrek el medengei el kmo a Jesus Kristo a omekrael er tial Ikelesia lokiu ngii.