Klumech er a Oldingel e Olisechakl, Ongedei el buil 2012

Rengalk el Redil er a Rengedek

Mosuub er tial klumech, ea di lungil, e msodii lobengterir a rodos el moldingel er tir. Mousbech a ker el smisicheterir a rodos e dirrek el rullii a Cheldebechel er a Rolngeseu meng mo klou a belkul er a klengar kau.

Klaumerang, Telungalek, Ngesou

Kid a redil el ngelekel a Demad er a Babeluades. Ngii a medengelkid, oubeltik el reng el mei er kid, e ngarngii a uldesuel kired. A tang er a telengtengil tial uldasou a mei er a beluulechad e mesuub el melilt er a ungil. Sel dolilt el oltirakl a llechul a Dios, e kede Kullii e meketeklii a klechad er kid el kmo kede redil el ngelekel a Dios. A Relief Society a ngosukid el dobedebekii tial chedaol el kerresed.

A Relief Society me a reksi er ngii a smisichid e ngosukid. A Julie B. Beck, el merreder er a cherrengelel a Relief Society, a dilung el kmo: “Me a om redil el ngelekel a Dios, e kau a mengedmokl el kirel a diak a ulebengelel klengar, ea derstang er kemiu olab a teletelel, blekerdelel, ngerchelel a kleredil. A klungiolel a telungalk, beluu, Ikelesia, me a mekreos el uldasou er a diak a ulebengelel klengar a ultuil er a blak el reng er kemiu. … A [Demad er a Babeluades] a ultuil er a Relief Society el mo olngeseu el mengideb er a Rechedal e mengedmokl er tir el kirel a klengeltengat er a templo. Ngii a mla kudmeklii a Relief Society el omeklemalt er a Rengelekel redil er a Urerel e ousbech a ngesou er tir el kirel okedecherul a Rengedel me a omelisiich er a blai er a Zion.”¹

A Demad er a Babelaudes a mla meskid a bleketakl el ureor el ngosukid el kirel okedecherul a Rengedel. Ngii a dirrek el mla omekngeltengat er kid er a chedaol sengk el ngosukid el kudmeklii tia el ureor. Ngokiu a Relief Society, e ngarngii a techelled el ousbech aikal sengk el melisiich a telungalk, olngeseu er a remechebuul, e mesuub el mo kiei el mesiungel a Jesus Kristo.

A President Dieter F. Uchtdorf, Ongerung el Counselor er a First Presidency, a millekoi el kirel a chad el oltirakl er a Kristo el kmo: “Sel klou a rengud e dorael el oltirakl a blekeklel Osobel e kid a ochotii el mei er kid sel telkelel a klaumerang er kid me a blak el reng er kid el kongei er sel soal a Dios e diak el sel soad.”²

Lak dobes el kmo kid a ngelekel a Dios el redil me dolasem el mo kiei el oltirakl er Ngii. Sel bo deuaisei, e kid olngeseu er a okedecherul a rengedel a Dios er a beluulechad e mo sebeched el klikiid el lemuut el mo er a Rengedel.

Ngar er a Chedaol Llechukl

Zechariah 2:10; Doctrine and Covenants 25:1, 10, 16; 138:38–39, 56; “A Telungalk: Chais el mo er a Beluulechad” (Liahona me a Ensign, Nov. 2010, 129)

Ngar er a Reksi er Kid

Sera April 28, 1842, ea Profer Joseph Smith a dilung er a rodos er a Relief Society el kmo: “Kemiu er chelechang a ngar er sel deruchall el kiriu el lochotii sel klechubechub el Dios a mla dolemii er kemiu. … Alsekum e kom kudmokl aikel ngercheliu, ea reanghel a diak bol meterob el chelmengiu.”³

Meng milsang sel klisichel a Relief Society el mesiou er a rebebil e olngeseu er a derstang el chad el mo mesisiich a klaumerang er tir ea, Zina D. H. Young, ongedei el merreder er a cherrengelel a Relief Society, a mle yaksok er a rodos er sera 1893 el kmo, “Alsekum eke meral osiik er ngii er a chelsel a rengum eke mo metik, lokiu a ngesou er a Reng er a Rubak, a mekreos el diak el mochar, el olchotel a klaumerang er tial ureor.”⁴

© 2012 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/11. Kengei er a oidel: 6/11. Oidel a Visiting Teaching Message, March 2012. Palauan. 10363 881

Ngera Sebechek el Rulii?

Ak mekerang e ngosuterir a rodos er ngak el mo medengei el kmo tir a redil ngelekel a Dios?
Ak mekerang e mo oltirakl aikel omellach me a uleklatk el mo er a redil el debetik er a chelsel a Doctrine and Covenants 25?