Ngeasek
Ak Lemuut el Mo Mesang
A demak a kmal milngeleoch er kemam el ngelekel. Ng mle betik a rengul er kemam e mereched el ousubes er kemam. Ng milasem el mo er sel tkul er bab el sebechel me bo kim mungil a rengmam el rokui me ngii a milketeklii el kmo ng soal a ungil el merkemam. Ng kmal mle betik a renguk er ngii.
Se er a kdirk ongelolem el skuul, ea demak a mlad el mla er a mlai e aksident. A telungalek er ngak me a ngak a kmal mlo mekngit a rengmam. Ng mlar ngii a ual ko er a chemars er a telungalek er kemam. Ak kmal mle ultuil er a Demak, el ngak a blechoel mo er ngii sel ngarngii a metacher besul. Meng diak kusiik a ngesou, e bai mecherei a ngasechereng meng ngara renguk. Ak mocha omdasou el kmo a Dios a uchul tiang. Me ak mlo diak kunguiu a chedaol llechukl e diak kululuuch. Ak di mo er a ikelesia ele a Delak a soal ak bong. Ak milasem el mengeroid er ngak er a Chedam er a Babeluades.
E mocha ketengek el mo er a Young Women camp. Ng mle soak el obengterir a rebeches el sechelei, eng di ak millemolem el diak kunguiu chedaol llechukl. Me tia el ulebongel el kesus, eng mlo er ngii a olechotel a klaumerang er kemam. Ak mlo omelchesiu er a kmo ngerang el meketeketang el diak kulchesuar: Chedaol Reng. Ak kmal mlo chemat er tirka el ngeasek er redil el mo olecholt a klaumernag er tir, eng di ngak a dimle dengchokl le kulemdasu el kmo ng dimlak a klaumerang er ngak. Ak di mle kiul omelchesiu el kmo ng kirek el mekiis el mo dechor. Ak milkengii a ngerech, e omdasu el kmo ak kmul kmo ngerang. Me ak dilul kmo ng dmeu a renguk er tial Young Women camp. Eak mocha metike er ngak el melekoi el kmo ak medengei el kmo a Jesus Kristo a mlad el kirek ea Chedam er a Babeluades a betik a rengul er ngak me tial Ikelesia a kmal klemerang.
Ak mlo melechesuar a ungil budech. A kuureng a saul er tial ungil teletael meng sebechek el kmo ak medengei el sebechek el muut el mo mesang a demak el Tengakireng er a Osobel me a Okisel er a kodall a uchul.