Klumech er a Oldingel e Olischakl, Ongeuang el Buil 2012

Beltikelreng, Omes, e Melisiich

Mosuub er tial klumech, ea di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau.

Klaumerang, Telungalek, Ngeseu

Di uaia Osobel, ea roldingel e olisechakl a olngeseu er a rederstang (mesa 3 Nephi 11:15). Kede medengei el kmo ng sebechel el kmal mo ungil el oldingel e olisechakl alsekum e tirka el odos el ki mol dingel er tir a sebechir el kmo: (1) tirka el oldingel e olisechakl a sebecherir el ngosukak el mo melchesuar chedaol reng; (2) Ak medengi el kmo tirka el meklou el redil el merael lolisechak a kmal lomekereu er ngak me a telungalek er ngak; e dirrek (3) el sekum eng ngar ngii a ko er a metacher besul, eak medengi el kmo te sebechir el ngosukak el diak a belekul kulengit er tir.¹

Kede mekerang kid el oldingel e olisechakl e mo oubeltik el reng, omes, e melisiich er a odos? Aikakid a kltiu el uldasou el debetik er a euid el bliongel er a Rengalek el Redil er a Rengedek: Reksi me a Urerel a Relief Society el ngosuterir a roldingel e olisechakl el mo olngeseu er a rodos:

Moluluuch er a bek el sils el mo er a ngii me a telunglek er ngii.
Osiik a ngeseu el mo ungil medenglii me a telungalek er ngii.
Mo blechoel el oldingel er ngii el mo medengei el kmo ng uangerang e mengelaod e melisiich er ngii.
Molemolem el oldingel er ngii lokiu, a dengua, tetat el babier, e-mail, text message, el obengekel a mekekerei el ungil omeruul.
Moutkeu er ngii sel temel a Ikelesia.
Mngesuir er a ikel ngii a mo tautedui, secher, me a lechub eng kuk bebil er a ngii dil ko er a usbechall.
Molisechakl er ngii er a ungil klumech er a chedaol llechukl me a Klumech er tirkel Oldingel e Olisechakl.
Mngesuir er a ungil okesiu.
Mouchais el mo er a merredel er a Relief Society el kirel a ureor me a tirka el odos el kirel a klengeltengat me a kuk di teletael er a klechad er tir.

Ngara Chedaol Llechuk

Lukas 10:38–39; 3 Nephi 11:23–26; 27:21

Ngara Reksi er Kid

“A Cheldebechel er a rodingel e olisechakl a olidiull er a Ruriul-klebesei el Santo el redil el mo kaubeltik el reng, melisiich, e mesiou—el mo ‘meruul aikel ngii a Rubak a dilalm er [kid],’ el mle osischeklel a Joseph Smith.”²

A dirk millakl el odos a dilung aikakid el kirir tirkel loldingel e olisechakl er ngii: “Te orrenges er ngak. Te mengelaod er ngak. Te lemangel el obengkek. E omechull er ngak. … [Tir] a ngosukak er a meklou el klengit el reng er a ikel kot el uchelel a buil er a klesabisi.”³

Olngeseu er a ikel usbechall er a kelngar tir a tang er a teletael er a ngesou. Chelsel a klou el ongdibel er sera Ongeteruich el buil er a 1856, ea President Brigham Young a millekoi el kirir tirke el pioneer el ual milechoit er a snow el 270–370 miles (435–595 km) a cheridir. Ng ulemekedong er a Ruriul-klebesei el Santo er a Salt Lake City el mo osiik er tir “e kmal mo ungil mes e ngosuterir er a ikel lousbech a bedengir.”⁴

A Lucy Meserve Smith a milluches el kmo tirkal redil a ngilai a sailengir me a stockings er tir e lilechang er a kareta el bo lousbech a rechedal a ikelesia el mengard er a kelekolt. E mlo osiik a mamed me a bail el bo el ousbech tirkel mle olngesonges a kloklir. Tial kareta er a lemermang, e tial blai a mlo “mui er a klalou el kirir.”⁵

© 2012 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/11. Kengei er a oidel: 6/11. Oidel a Visiting Teaching Message, April 2012. Palauan. 10364 881

Ngerang Sebechek el Rulii?

Ak mekerang e sebechek el mo medengei a lousbech tirka el odos?
Ng mekerang e tirka el odos a kmal mo ungil el medengei el kmo ak kmal betik a renguk er tir?