Serafo
Kinisou ngeni Nei we Sensen Sukunen Raninfel
Chon ai we klasin Sukunen Raninfel rese mosonoson fansoun meinisin. Ua men sani ai upwe ausening ngeni ewe nesen iteiten wik, nge fan ekkoch a usun ekkewe ekkoch non ai klas rese sani. Fan chommong ra chok kapas fengen are urumot won nour kewe fon non ewe fansoun noum we sense a achocho ne aitikem. Sonapan, pwe fan ekkoch ngang mi pwan fitir.
Eu wik aua men mesepat, iwe nupwen a tori nesoponon klas, noum we sense a men kechiu pokiten ese wor emon me neim a ausening ngeni an nesen. Nupwen aua tou seni ewe rumen klas, ua men netipeta ngeni.
Non ewe Raninfel mwirin ei noum we sense a awewei ngenikem pwe a ikkiotek non ena wik, non an kutta emwen me a mefi namwotan an epwe fichi eu kachiton Mwichefen fan item. Iwe a fichi ewe kachito, ewe a usun ewe manauan Jises Kraist me ekkewe manaman A fori.
Nupwen ua ekieki usun ewe kachito non ena nekunionun, ua mefi och mettoch mi sokono. Iei atun ua esinna pwe ua mefi ewe Ngun mi Fel, nap seni met ua fen mefi me nom. Iei chok atun ua finata pwe ua mochen ekesiwini manauei pwe upwe napanapen ewe Chon Amanau, iwe ua esinna pwe met a fis non Sukunen Raninfel non ena ran a men apochokuna ai kapasen pwarata. Ua men kinisou ren nei we sensen Sukunen Raninfel fiti mettoch meinisin a fori fan iten chon noum we klas iteiten wik.