Poraus seni Fefn Chon Amwa, June 2012
Fefin Chon Amwa—eu Wis mi Pin
Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churir me pwan aochu manauom ren aean Fin Anisi.
Nuku, Famini, Aninis
Kich fefin chon amwa, mi wor wisach mi auchea non pekin ngun mi namwot sipwe apwonueta. “Ewe pisop, ewe a seikita pwe epwe ewe chon masen ewe wart, ese fokkun tufich an epwe mamasa meinisin noun ewe Samon kewe siip non eu chok fansoun. A anonga won fefin chon amwa mi angei pwarata ne anisi.”1 Kuttan me angei pwarata usun ion epwe angei wisan mamasa emon me emon pwich mi fokkun namwot.
Pwarata a poputa nupwen chon ewe presetensi an Fin Anisi ra poraus usun namwotan emon me emon fiti ar kewe famini fan emwenien iotek. Iwe, ren an ewe pisop tipeu, ewe presetensi an Fin Anisi ra awisa ewe wis non eu napanap epwe anisi pwich kewe ar repwe weweiti pwe fefin chon amwa mi eu wis mi auchea non pekin ngun.2
Fefin chon amwa ra wesen achocho ne sineiochu me tongei emon me emon pwiir kewe, kopwe anisir ne apochokuna ar nuku, me kopwe awora angang nupwen mi namwot. Ra kutta pwisin pwarata ne sinei ifa usun repwe apwonueta met mi namwot ngeni emon me emon pwipwi ra churi non pekin ngun me pekin inins.3
“Fefin chon amwa epwe winiti angangen ewe Samon nupwen sia nengenochu ekkewe aramas nap seni ekkewe nampa.” Ennet, esap wor nesoponon an fefin chon amwa. Fefin chon amwa rese chok angang fan iten wiser chok pun ra soposopono ar aninis iteiten ran.”4
Seni ekkewe Pukfel
Seni Ach Uruo
Eliza R. Snow, ewe oruemonun presetenin Fin Anisi unusan a apasa, “Me rei ewe wisen sense ena eu wis mi pin o tekia.” A kapasen pesepes ngeni fefin chon amwa ar repwe “uren ewe Ngunun Kot, mirit, netip tekison, me tong” me mwen ra churi imwen pwiir kewe pwe repwe tufichin esinna me apwonueta namwoten ngun fiti fengen me namwoten inis. A era, “Meni kopwe mefi namwotan ne apasa kapasen kinamwe me chachari netip, iwe ika ka kuna emon pwipwi a mefi fou, kopwe angei non netipom usun chok kopwe for ngeni emon semirit me kopwe [epwichikara].”5
Nupwen sia fefeino mwach non nuku usun chok pwiich kewe Fin Anisi me nom, ewe Ngun mi Fel epwe nom rech me sipwe angei pwarata ne sinei ifa usun sipwe anisi emon me emon pwich sia churi. “Amo [sipwe] kutta mirit nap seni manaman,” Pwich we Snow a apasa, “iwe [epwe] wor rech unusen ewe manaman [sia] miriti ach sipwe anganga.”6
© 2012 seni Intellectual Reserve, Inc. Meinisin pung mi kawor. A for non Merika. Kapungunon non fosun Merika: 6/11. Kapungunon chiakun: 6/11. Chiakun Visiting Teaching Message, June 2012. Chuukese. 10366 901