Cov Hluas
Ua Tsaug rau Tus Kws Qhia Kuv hauv Hnub Caiv Kev Kawm Vaj Lug Kub
Cov tub hluas ntxhais hluas nyob hauv Hnub Caiv Kev Kawm Vaj Lug Kub tsis tshua nyob tswm seeb. Kuv nyiam mloog nws zaj lus qhia txhua lub lim tiam, tiam sis tej lub sij hawm zoo nkaus li lwm tus nyob hauv kuv hoob kawm tsis nyiam. Feem ntau lawv sib tham los sis siv tej khoom ua si thaum peb tus nais khus sim qhia peb. Tu siab uas tej lub sij hawm yog vim kuv thiaj muaj qhov teeb meem no.
Ib lub lim tiam peb ua phem dua yav tas los, ces thaum nws qhia tiav, ua rau peb tus kws qhia quaj vim tsis muaj leeg twg kam mloog nws zaj lus qhia. Thaum peb tawm hoob kawm mus, kuv pab nws nyuaj siab.
Hnub Sunday tom ntej peb tus kws qhia piav tias nws tau thov Vajtswv ntau lub lim tiam ntawd, nrhiav kev coj, ces ua rau nws xav tias nws yuav tsum muab ib qho zaj yeeb yaj kiab los ntawm lub Koom Txoos rau peb saib. Nws qhib zaj yeeb yaj kiab uas qhia txog Yexus Khetos lub neej thiab tej txuj ci tseem ceeb Nws tau ua.
Thaum kuv xav txog zaj yeeb yaj kiab hmo ntawd, ua rau kuv xav ib yam txawv hauv kuv lub siab. Ua rau kuv paub tias kuv tab tom hnov tus Ntsuj Plig, hnov ntau tshaj kuv tau hnov dua li. Tam sim ntawd, kuv txiav txim siab tias kuv xav hloov kuv lub neej kom ua raws li tus Cawm Seej, thiab kuv paub tias qhov uas muaj los hauv Hnub Caiv Kev Kawm Vaj Lug Kub tau ntxiv dag zog rau kuv zaj lus tim khawv. Kuv ua Vajtswv tsaug rau kuv tus kws qhia hauv Hnub Caiv Kev Kawm Vaj Lug Kub thiab txhua yam nws ua rau peb hoob kawm txhua lub lim tiam.