Ngeasek

Melengel a Kedmeklem el mo er a Mision

A President Uchtdorf a kmu er a remisionari me lomdasu el kmo te ngar er a melengel a mision er tir. Ng dirrek el sebechem el oltirakl er tia el uldasu se el mongedmokl er kau el mo er a mision: a lteruich me a eru a rekim malechub eng teruich me a eai, eng sebechem el mengedmokl el kirel a mision.

Ngera bebil er a tekoi el sebechem el remuul sel “mngar er a melengel” a kedmeklem el mo er a mision?

Blechoel klikiid el mo er a templo.
Mesuub el mo medengelii odbechel Chedaol Reng e lmuches aike el momelchesiu e mo oltirakl.
Meluluuch el kirir a remisionari.
Moker er a remisionari el ngar er a basio el omngarngii el kmo ngera te kmung el kirel a kedmeklem el mo er a mision.
Mesuub el mo meduch el ousbech a taem, luldimukl er ngii a meklou a belkul omeruul el uaia omesiou, omesubel chedaol llechukl, me a omeluches el journal.
Se el mongedecheduch er a rechedal a telungalek er kau, e mouchais a bades er a chedaol llechukl el soam. Msodii a uldesuem el kirel chedaol llechukl.
Moker er a rsechelim el kirel a klechelid er tir e ngera te oumerang. Mouchais el kirel a kuk klaumerang er kau. Molengit er tir el mei er a ikelesia malechub a omilil.

Se el bo modengei el kmo kau a ngar er a melengel a kedmeklem el mo er a mision, e ng mo sebechem el kiei er a klengar e mo klikiid el kirel a klaumerang er a Rubak me a Chedaol Reng a mo kldemem.