Klumech er a Oldingel e Olisechakl, Ongeuid el buil 2012
Ochotii Otirekled lokiu a Beltik el reng me a Omesiou
Mosuub er tial klumech, e a di lungil, e msodii lobengterir a rodos el moldingel er tir. Mousbech aike el ker el smisicheterir a rodos e dirrek el rullii a Relief Society meng mo klou a belkul er a klengar kau.
Klaumerang, Telungalek, Ngeseu
Chelsel a klengar er Ngii er a beluulechad, e a Jesus Kristo a ulechotii a beltik el reng er Ngii el mo er a rebebil lokiu omesiungel mo er tir. Ngii a dilu el kmo “Me tiaikid ea rokui el chad a mo medengei el kmo kom chedak, alsekum eke oubeltik el reng el mora tang me a tang” (Johanes 13:35). Ngii a ulechotii okesiu e soal kid a bo “dolngeseu er tirkel mo ousbech a ngeseu er [kid]” (Mosiah 4:16). Ngii omekedong er a roltirakl er Ngii el mo oureor el Obengkel er a Urerel, e milsterir a techall el mo mesiou er a rebebil e mo uai Ngii.1
A oumesiunged el oldingel e olisechakl a kmal di uai a urerel Osobeled sel dochotii a beltkil a rengud el mor tirke el doldingel er tir e doruul a ikakid:2
-
Mo medengei a ngklir me a ngklir a rechedal a telungalek er tir e mo ungil kaodengei kid me tir.
-
Mo betik a rengud er tir e diak dorritel er tir.
-
Mo omes e melisiich a klaumerang er tir “el loudersta er tir,” el uai aike el luruul Osobel (3 Nephi 11:15).
-
Kudmeklii a ungil klausechelei lobengterir e mo oldingel er tir er a rekeblirir me a ngii di el ker.
-
Mo omekerreu er a dersta el odos. Mo medengei a sils er a cherellir, omelilt er a skuul, sils er a chebechiil, techolbechelid, malechub a kuk di bebil er a sils el meklou a belkul el mor ngii.
-
Mo oldingel er a rebeches me a tirke el kuk diak el sal mesisich er a ikelesia.
-
Mo oldingel er tirke el sabisi malechub e tirke el ousbech ongelaod.
Ngar er a Chedaol Llechukl
Ngar er a Reksi er Kid
“A Beches el Renged a ngar er ngii a cheldecheduch er a redil, a ulecholt a ngklir me a re diak, el mle mesisiich a klaumerang er tir er a Jesus Kristo. … Tirka el redil a mlo okesiu er a roltirakl. … [Tir] a mirael lobengkel a Jesus me a tirke el Teruich me a Terung el Apostol er Ngii. Tir a uldars aike el ngar er ngii el kloklir el mo olngeseu er a Urerel. Uriul er a Kodellel me a Okiis er a Kodellel, e [tir] a millemolem el mesisiich el oltirakl.”3
A Paulus a milluches el kirel a redil el ngklel a Phebe, el mle, “mesiungel a ikelesia” (Rom 16:1). Ngii a ulengit er a rechad me bo “lengesuir er a ngii di el ngera el ousbech: e le ngii a kmal mla ngosuterir a rebetok” (Rom 16:2). “Aika el blekokeuii el teletael er a omesiou el riruul a Phebe me a lmuut el bebil er a redil er a Beches el Renged a melemolem er chelechal sils er a roungerachel er a Relief Society—, roldingel e olisechakl, rechedil, me a rebebil el tir a mesebechakl, malechub e te olngeseu, er a rebetok.”4
© 2012 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/11. Kengei er a oidel: 6/11. Oidel a Visiting Teaching Message, July 2012. Palauan. 10367 881
Ngerang Sebechek el Rulii?
-
Ak mekerang e meleketek er a dechak el mesiou er a rebebil?
-
Ngera kuruul er chelechang lochotii el mo er a rodos el kuldingel er tir el kmo ng betik a renguk er tir?