Fal’ Yangaren

Lukngun Ni Gabe Fal’eg rogom ko Mission Rom

Ke yoeg President Uchtdorf ko pi tamachib ni ngar lem niged giyad ni yaed bay u lukngun ko mission rorad. Ku rayog ni ngam rrin’ e biney e gonop ko mission rom ni gabe fal’eg rogom riy: demtrug ko ragag nge l’agruw e duw rom fa ragag nge meruk, rayog ni ngam fal’eg rogom ni ngam serv nag e mission rom.

Mang boech e pin’en ni rayog ni ngam rrin’ “u lukngun” e mission rom ni gabe fal’eg rogom ngay?

• Mu yul’yul’ ni gubin ngiyal’ ni ngam un nga temple.

• Mu fil ni ngam poey e thogthog nibe yib ko fare Kan ni Thothup ni ngam yoloey nga but e pin’en nibe buch mag rrin’.

• Meybil ni fan ko pi tamachib.

• Mfith e pi tamachib ko gin ni gabay riy ko mang e yaed ra yoeg ngom ni ngam rrin’ ni ngam fal’eg rogom ni ngam serv nag e mission.

• Mu fil ni ngam fal’eg rogon e taym rom nib mangil rogon, mu’un e pi gosgos ngay nib ga’fan ni boed e murwel, chep nib thothup ni yibe fil, nge jornal ni yibe yoloey.

• Napan ni yira non ku bee’ u lane e tabinaew, mag weliy ba chep nib thothup ni kafini ayuweg nem. Mu weliy ko mang e gabe leam nag ni mornga’agen fare chep nib thothup.

• Mu fith e pi tafagar rom mornga’agen e pi taliw rorad nge n’en nib mich u waen’ raed. Mu adag ni ngam weliy e n’en nib mich u wun’um. Mu pining raed nga galasia fa gosgos.

Napan ni gara poey ni gabay u lukngun ko mission rom ni gabe fal’eg rogom ngay, ma rayog ni ngam paer ni gab yul’yul’ ko pagan’ rok Somoel nge fare Kan Thothup nibay rom.