Mulwol ni Ngan Fil ni Ngan Nang, July 2012

Mu dag Rogon Ni Gadad Pi Galchalpen u fithik e Tu’ufeg nge Tapigpig

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil.

Mich,Tabinaew, Ayuw

U lane yafas Rok, ma Yesus Kristus e ke dag e Tu’ufeg Rok ngak boech e gidii’ nibe machib ngoraed. Ke ga’ar, “Fa’anra um pired nib t’uf bigimed rok bigimed, ma aram e urngin e gidii’ ni yad ra nang ni gimed pi gachalpeg” (John 13:35). Ke dag e kanawo’ ma ba’adag ni ngad “ayuweged e pi’in nib t’uf e ayuw [rodaed] roraed” (Mosiah 4:16). Ke pining e pi gachalpen ni nge un ngak ko murwel u lane machib Rok, me pi’ ngoraed e murwel ni rayog ningar ayuweged boech e gidii’ man boed Ir.¹

Murwel rodaed ni gadad e cha’ nima yani nang salpen be’ e ra chuchgur ni nge boed fare machib rok e Tathapeg rodaed napan ni gadad be dag e tu’ufeg rodad ngak e picha’an ni gadad be sensey nag ni gadad be rrin’ e pin’ ni ba’aray:²

Mu tafneyem ko fithngan raed nge fithngan gothon e tabinaew rorad mag ayuweg raed.
Tu’ufeg raed ni dam sap ngoraed ni yaed ba tagan’.
Mu yaliy raed mag pi’ gelngin e mich roraed “ni tata’abee’,” ni rogon ni rrin’ i Tathapeg (3 Nephi 11:15).
Mu fal’eg e thin ngoraed mag yaen ni ngam guy raed nga tabinaew rorad nge kubang.
Ra reb e sister mag tu’ufeg. Tafineyem ko ngiyal’ nni gargeleg, graduation, mabgol, tawfe, fa kuboech ngiyal’ nib tu’uf ngak.
Mu ayuweg e pi memba nib be’ech nge tin nike mo’owaer.
Mu ayuweg e picha’an ni go’giyad fa picha’an nib tu’uf e ayuw roraed.

Ko fapi Chep nib Thothup

3 Nephi 11; Moroni 6:4; Doctrine and Covenants 20:47

Chippin Rodad

“Fare Bin Be’ech e M’ag e mu’un e pi babyoren e ppin, nibay fithngan nge boech ni dariy fithngan, ni kar athamgiliyed e mich ngak Yesus Kristus. … Pi ppin ney ni pi gachalpey e kar manged e kanawo’. … [Kar] uned ngak Yesus nge fare Ragag nge L’agruwi Apostle Rok. Kar pi’yed e n’en nib tu’uf rorad ni ngar ayuw gaed u lane machib Rok. Napan nike mu’ i yim’ make mu’ ko foskoyam’, [mar] ulul gaed ni ngar manged e pi gachalpey nib yul’yul’.³

Ke yoloey Paul mornga’agen ba ppin nikanoeg Febe ngak, nib “pigpig ko galesiya” (Roma 16:1). Ke fith e gidii’ ni ngar “ayuweg ko tin nge yag ngak: ya ir e ba ga’ e ayuw nike pi’ ngak bo’or e girdi’ nge gag” (Roma 16:2). “Mitnem e murwel nike pi’ Febe nge kuboech e ppin u lane Bin Be’ech e M’ag e kube ulul e daba’ ko pi memba ko pi toygang’ ko Relief Society, cha’ nima yani nang salpen be’, chitingiy, nge kuboech e gidii’—nima mithmith ni yaed e pi’ ta ayuw, fa gidii’ nima pi’ e ayuw, ngak e gidii’ ni yo’or.”⁴

© 2012 ko Intellectual Reserve, Inc. Gubin ni mat’won ma bay. Nni yoloy u Mariken. Kan micheg nag ko thin nu Ngalis: 6/11. Micheg nag i pilyeg: 6/11. Ni pilyeg ko Visiting Teaching Message, July 2012. Yapese. 10367 905

Mange Rayog Nggu Rin?

Urogon ni rayog ni ngug man gil nag e n’en ni gub cheg riy ni ngug chathowliy boech e gidii’?
Mang e gube rrin’ nggu nang ni pi sister ni gube matangiy ni ngar nanged ni yaed ba tu’uf rog?