iTabagone
Veiqaravi ena Valetabu
Ena noqu sa yabaki 17 au sa tekivu vakasamataka vakabibi na noqu veisiga ni mataka, ka’u masu kivei Tamada Vakalomalagi me baleta na cava me’u cakava ena noqu vakavakarau me’u laki kaulotu ka ciqoma na Matabete i Melikiseteki. Au vakila ni dodonu me’u lako vakawasoma ki na valetabu baleta ni sa ikoya na vale ni Turaga ka vanua me’u vakila kina ni’u rawa ni voleka sara ki vua na Tamaqu Vakalomalagi.
Au mani tuva noqu inaki me’u cakava e 1,000 na papitaiso ena dua na yabaki. Au vakila vakaidina na gadrevi ni inaki oqo; au lolo me’u kila kina kevaka e sa ikoya oqo na ka e dodonu me’u cakava. A sauma lesu mai na Tamada Vakalomalagi, ka sa tekivu me’u lako ki na Valetabu e Tampico Mexico ena vei Vakarauwai.
Ni’u mai vakacavara e 500 na papitaiso, au tuva e dua na inaki me’u cakava na vakadidike ni tuvakawa me baleta ira na tukaqu vakavica, ka’u sa taleitaka vakalevu sara na vakadidike ka sa sega ni rawa ni’u moce baleta ni’u vakasaqara tikoga na yaca. E 50 na yaca au kunea kei na walu na itabatamata ena noqu ivola ni kawa; au veivuke ena kena qaravi na cakacaka ni valetabu me baleti ira taucoko.
Au qai tinia ena noqu cakava e sivia e 1,300 na papitaiso, ka’u tauri itutu mai na semineri, ciqoma na Matabete i Melikiseteki, ka’u sa daukaulotu tudei, ka sa ikoya e dua na inaki levu duadua ena noqu bula.