Cov Hluas
Ua Hauj Lwm Hauv lub Tuam Tsev
Thaum kuv nyuam qhuav muaj 17 xyoo, kuv pib xav txog qhov uas yuav muaj li cas rau yav tom ntej, thiab kuv thov Leej Txiv Saum Ntuj Ceeb Tsheej txog qhov uas kuv yuav ua li cas npaj ua tub txib thiab txais lub Pov Thawj Hwj Mekixedes. Kuv xav tias kuv yuav tsum mus rau hauv lub tuam tsev ntau dua li qub vim nws yog tus Tswv lub tsev es nyob ntawd kuv yuav nyob ze kuv Leej Txiv Saum Ntuj Ceeb Tsheej.
Kuv cuab hom phiaj ua kev cai raus dej 1,000 zaus tauj ib xyoos. Kuv xav tias kuv yuav tsum muaj lub hom phiaj no tiag tiag; kuv yoo mov seb qhov no puas yog qhov kuv yuav tsum ua. Peb Leej Txiv Saum Ntuj Ceeb Tsheej teb kuv, thiab kuv pib mus rau lub Tuam Tsev Tampico Mexico txhua hnub Saturday.
Tom qab kuv tau ua kev cai raus dej 500 zaus, kuv cuab hom phiaj nrhiav tsev neeg zaj keeb kwm kom nrhiav tau kuv cov poj koob yawm txwv, thiab kuv nyiam nrhiav keeb kwm cuag li kuv tsaug zog tsis tau vim kuv xav nrhiav lawv tej npe. Kuv tau nrhiav 50 lub npe thiab yim tiam neeg ntawm kuv tsev neeg zaj keeb kwm; kuv tau pab ua hauj lwm hauv lub tuam tsev rau lawv txhua tus.
Kuv tau ua kev cai raus dej 1,300 zaus tawm thiab kuv kawm vaj lug kub hauv seminary tiav, tau txais lub Pov Thawj Hwj Mekixedes, thiab tam sim no kuv ua ib tug tub txib, uas yog ib lub hom phiaj loj hauv kuv lub neej.