Agtutubo
Panagserbi iti Templo
Idi agtawenak iti 17, rinugiak a pinampanunot a sipapasnek maipapan iti masakbayak, ket inkararagko iti Nailangitan nga Ama maipanggep no ania ti maaramidko tapno agsagana a mapan iti mision ken umawat iti Melchizedek Priesthood. Nariknak a nasken a masansan a mapanak iti templo gapu ta daytoy ti balay ti Apo ken ti lugar a pakariknaak a nakaas-asidegak iti Nailangitan nga Amak.
Isu a nangitudingak iti maysa a panggep a tun-oyen nga agaramidak iti 1,000 a panagbuniag iti maysa a tawen. Pudno a nariknak ti panagkasapulan nga itudingko daytoy a panggep a tun-oyen; nagayunoak tapno ammuen no daytoy ti nasken nga aramidek. Sinungbatannak ti Nailangitan nga Amatayo, ket rinugiak ti napan iti Tampico Mexico Temple iti tunggal Sabado.
Kalpasan ti pannakaaramidko ti 500 a panagbuniag, nangitudingak iti maysa a panggep a tun-oyen nga agaramid iti family history research kadagiti kapuonak, ket nagustuak unay ti panagaramidko iti panagsukisok gapu ta saanak a nakaturog gapu ta sinapsapulko dagiti nagnagan. Nakasarakak iti 50 a nagnagan ken walo a henerasion ti pakasaritaan ti pamiliak; timmulongak a maaramid ti aramid iti templo para iti amin kadakuada.
Inggibusko ti panangaramidko iti nasurok a 1,300 a panagbuiag, ken nagturposak iti seminary, immawatak iti Melchizedek Priesthood, ken agserserbiak itan kas full-time a misionario, a maysa kadagiti kadakkelan a panggepko a tun-oyen iti biagko.