Mwet Fuhsr
Kuhlwacnsap lun Tempuhl
Ke nga yac 17 lac ah, nga muhtwacwacack nuhnkuh na pwacye pacl tok luhk uh, ac nga pruhe nuh sin Pahpah Lucng ke ma nga kuh in oruh in ahkolah in som nuh ke sie misin ac eis Melchizedek Pristut. Nga puhla lah nga enenuh in som nuh ke tempuhl in fusus kuhtuh ke srihpen pa lohm sin Leum ac e pa oruh acn ma nga kuh in puhla fototoyang nuh sin Pahpah tuhmuhk Inkuhsrao.
Na nga orwaclah finsrak se in oruh pacptais 1,000 ke yac se. Nga puhla na pwacye enenuh se in orwaclah finsrak se inge; nga lalo in etuh fin ma se inge pa nga enenuh in oruh uh. Pahpah tuhmasr Inkuhsrao el topukyuclac, ac nga muhtwacwacack som nuh ke Tempuhl Tampico Mexico ah ke Sactte nuh kwewa.
Tukun nga orwaclah pacptais 500 ah, nga orwaclah finsrak se in oruh sukok ke sramsram mahtuh luhn sucu ke mwet mahtuh somlah luhk, ac nga luhngse oruh na pwacye lah nga tiac kuh in mutul ke srihpen nga sukok ine. Nga sokwack ine 50 ac fihl alkosr luhn sramsram mahtuh luhn sucu luhk uh; nga kahsruh oruh orekma ke tempuhl lalos kwewa.
Sahflahiyac ah nga orwaclah pacptais 1,300, ac nga srolah ke lutlut ke ma suhmuhslah luhn tuhlihk fuhsr, eis Melchizedek Pristut, ac inge nga kuhlwacnsap in ekihn sie misineri ke pacl nuh kwewa, suc ma sie sin finsrak yohk luhk emet ke moul uh.