2012
Mukwilac ke Pacl Enenweyuck
August 2012

Pweng ke Forfor Luti, Ohkohs 2012

Mukwilac ke Pacl Enenweyuck

Pruhe in lutlutkihn kuhfa inge, ac ke pacl fal, sramsramkihn yurin tahmtahel ma kowos muhtwacta nuh yohroh an. Orekmakihn kihsen siuck an in kahsrwekowos ahkkweye tahmtahel wiyowos an ac in oruh U luhn Muhtwacn in Kahsruh an in ip utuftuf se ke moul lowos sifacna an.

Petsac
Akucl luhn U luhn Muhtwacn in Kahsruh

Luhlahlfongi, Sucu, Kahsruh

In ekihn mwet forfor luti se, sie sin srihpac lasr uh pa in kahsruh ahkkweye sucu ac lohm an. Tahmtahel kuht muhtwacta yohroh uh enenuh in fahk, “Fin oasr elyah luhk, nga etuh lah mwet in forfor luti luhk uh fah kahsruh ke tiac sano in siuckyuck.” In kuh in kuhlwacnsap, oasr kunohkohn se lasr in acsmak nuh ke enenuh luhn tahmtahel kuht muhtwacta yohroh an. Ke kuht suk moklweyuck uh, kuht fah etuh ohiyacn topukyacn enenuh luhn nguhn ac mahno luhn kais sie tahmtahel kuht kuneyucki in forfor yohroh an. Na, orekmakihn pacl, etuh luhn orekma, talan, pruhe ke luhlahlfongi, ac tahpuhkyuck luhn nguhn ac puhla lasr uh, kuht kuh in kahsruh oruh kuhlwacnsap in pahko muhta ke pacl mas, misac, ac ohiyac sikyak yohk srihpac sahyac uh.1

Ke kahsruh ke ripohrt sin mwet forfor luti sahyac uh, prestuhnsi ke U luhn Muhtwacn in Kahsruh uh ahkkahlwemye elos suc oasr enenuh yohk srihpac la ke srihpen mas luhn mahno ac puhla, elyah suhlahklahk, isus, misac, suhkahpahs, muhkahimtacl, kuh ma upac sahyac uh. Na prestuhn luhn U luhn Muhtwacn in Kahsruh uh e ripohrti ma el konwacack uh nuh sin pisap. Ye kohkoh lal, el fosrngahkihn kahsruh uh.2

In ekihn mwet forfor luti uh e kuh in oasr srihpac yohk in engan ke srihpen mwe insewowo ma fihliucki facsr uh, lah kuht oreklac in oruh kuhfa uh in poun God in us ke orekma yohk se inge (liye Alma 26:1, 3).

Ke Ma Suhmuhslah uh

Mattu 22:37–40; Luk 10:29–37; Alma 26:1–4; Doctrine and Covenants 82:18–19

Ke Sramsram Mahtuh Lasr

Ke yac ma sasuc Alu uh ah, mempucr ke alu uh puh ac muhta fototo nuh sie. Mempucr uh kuh in topuk in sa ke oasr enenuh luhn mwet se uh. Mihsenge mempucr ke alu uh ahluhkwelah miliacn 14 ac fahsrwelihk fin facluh nohfohn. Forfor luti uh pa ip ke plwacn luhn Leum in sang kahsruh nuh sin tuhlihk nuh kwewa Nahtuhl.

“Ohiyac sefanna ma kuh in sang kahsruh ac ahkwo ke alu uh nohfohn ma arlac yohk ke facluh na puhs kain in mwet kac kuh in orek sin kais sie mwet kuhlwacnsap apkuhran nuh yurin mwet enenuh uh,” President Henry B. Eyring, Mwet in Kahsruh Se Met ke Prestuhnsi el fahk.

“… Pisap nuh kwewa ac prestuhn luhn pracns nuh kwewa oasr prestuhn luhn Rilif Sosaiti in luhlahlfongiuck,” el tahfwelah in fahk. “Oasr mwet forfor luti lal, suc etuh ma upac ac enenuh luhn tahmtahel nuh kwewa. El kuh, selos lac, etuh insiacn kais sie ac sucu uh. El kuh in orwaclah enenuh uh ac kahsruh pisap ke pahng lal in tuhfa kais sie ac sucu uh.”3

© 2012 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/11. Ahkkweyeyucklac ke lweng: 6/11. Lwenglah luhn Visiting Teaching Message, August 2012. Kosraean. 10368 868

Mwe kahsruh

  1. Liye Handbook 2: Administering the Church (2010), 9.5.1; 9.6.2.

  2. Liye Handbook 2, 9.6.2.

  3. Henry B. Eyring, ke Daughters in My Kingdom: The History and Work of Relief Society (2011), 110.

Meac Nga Kuh In Oruh Uh?

  1. Kuh nga orekmakihn mwe sang ac talan luhk uh in ahkinsewowoye mwet sahyac?

  2. Yac tahmtahel nga liacacng uh etuh lah nga insese in kahsrwelos ke oasr enenuh lalos uh?

Print