Lamharon

Paghibalo kon Ano ang Ihambal

Kon nagabatyag kamo nga indi masyado ang inyo nahibaloan parte sa ebanghelyo agud ipaambit ini sa iban, mag-angkon sang kaumpawan sa sining mga promisa gikan sa balaan nga mga kasulatan:

“Ibayaw ang inyo mga tingug sa sining katawhan; ihambal ang mga hunahuna nga ibutang Ko sa inyo mga tagipusuon, kag indi kamo maligban sa atubang sang mga tawo;

“Kay ihatag ina sa inyo sa husto nga oras, huo, sa sina mismo nga tion, kon ano ang inyo ihambal” (D&C 100:5–6).

“Ang Mananabang, ang Espiritu Santo, nga ipadala sang Amay sa akon ngalan, magatudlo sia sa inyo sang tanan nga butang, kag magapahanumdum sa inyo sang tanan nga akon ginsiling sa inyo.” (Juan 14:26)

Dalagko ini nga mga promisa, pero agud maagom ang mga ini, kinahanglan naton himuon ang aton bahin. Sa sining mensahe, si Pangulong Eyring nagtudlo sa aton kon paano: “Maghanda sa pagpaambit [sang ebanghelyo] paagi sa pagpuno sang inyo hunahuna adlaw-adlaw sang mga kamatuoran sang ebanghelyo.” Ano ang sarang ninyo mahimo agud pun-an ang inyo hunahuna sang mga kamatuoran sang ebanghelyo?