Agtutubo

Panangammo no Ania ti Sawen

No mariknayo a saan nga umdas ti ammoyo maipanggep iti ebanghelio tapno ibinglay kadagiti sabali, maliwliwa kadagitoy a kari manipud kadagiti nasantuan a kasuratan:

“Ngarud, pudno kunak kadakayo, idanonyo dagititimekyo kadagitoy a tao; baliksenyo dagiti kapanunotan nga imulakto kadagiti pusoyo, ket dikayonto matikaw iti sango dagiti tao;

“Ta maitedto kadakayo iti umno nga oras, wen, iti dayta a kanito, anianto ti sawenyo” (DkK 100:5–6).

“Ti Manangliwliwa, ti Espiritu Santo, nga ibaonto ni Ama iti naganko, isu isuronanto kadakayo dagiti amin a banag, ket ipalagipnanto kadakayo dagiti isu amin nga imbagak kadakayo” (Juan 14:26).

Naindaklan dagitoy a kari, ngem tapno magun-od dagitoy, nasken nga aramidentayo ti pasettayo. Iti daytoy a mensahe, insuro ni Presidente Eyring no kasano: “Agsagana a mangibinglay [ti ebanghelio] babaen iti panangpunno iti panunotyo iti inaldaw kadagiti kinapudno ti ebanghelio.” Ania ti maaramidyo a mangpunno iti panunotyo kadagiti kinapudno ti ebanghelio?