2012
Kainnano aika Onoti ao Mwakuri n ibuobuoki ake a Karaoaki
Tebetembwa 2012

Te Rongorongo ibukin te Reirei ni Kaakawari, Tebetembwa 2012

Kainnano aika Onoti ao Mwakuri n ibuobuoki ake a Karaoaki

Tataro mwaaka ni kamatebwaia te bwai n reirei aei, n arona ae riai, maroroakinna ma aine ake ko kawariia. Kabonganai titiraki bwa a na buokiko ni kakorakoraia aine ao ni karaoa te Bootaki n Aine bwa iteran maium ae kakaawaki.

Kamatoaan te Bootaki n Aine

Onimaki, Utu, Buoka

“Kainnanoia tabeman a bon ririki n taainako,” e taku Beretitenti Thomas S. Monson, “ao ngaira n tatabemaniira nako ti kona ni karaoa te bwai teuana ni buokiia tabeman … Tii ngkana ti mwakuri korakora ni buokiia tabeman n te aro are ti a mwaninga oin ara kaangaanga, e bon uarereke aana nakon maiura.”1

Ngkai ngaira taan kaakawara te mweenga ti kona n namakina aron tangiraiia aine ake ti kaakawariia. Mwakuri n Ibuobuoki nakoia ake ti kaakawaria e na roko man ara tangira nakoia (taraa Ioane 13:34–35).

Ti na kangaa n ataa kainnanoia ara aine n tamneia ao n rabwataia bwa ti aonga ni karaoa ara mwakuri n ibuobuoki ngkana e kainanoaki? Ngkai ngkami taani kaakawari mweenga, ti riai ni karekei kairiiri mai karawa ngkana ti tataro ibukiia ake ti kawariia.

Kateimatoaan ara reitaki ae tau ma ara aine e bon kakaawaki naba. Kaakawari ibon iroum, tatareboon, te koroboki ni kaunganano, i-meeri, n tekateka ma neienne, te kamoamoaaki ae nanonaki, ni kawariia n tain te taromauri, ni buokiia n tain aorakina ke kainanona ao mwakuri n ibuobuoki riki tabeua are e na buokiira ni kabane n tararuaira ao ni kakorakoraira imarenara.2

Taani kaakawara te mweenga a tuangaki bwa a na ribootina aron maiuia, kainanoia aine aika onoti, ao te mwakuri n ibuobuoki are e karaoaki nakoia. Aekaki n ribooti aikai ao ara mwakuri n ibuobuoki nakoia ara aine e na buokiira ni kaotiira bwa taan iriira Iesu are bon ngaira.3

Man Koroboki aika tabu

Ioane 10:14–16; 3 Nibwaai 17:7, 9; Moronai 6:3–4

Man Ara Rongorongo ni Kawai

Te mwakuri n ibuobuoki nakoia tabeman e a tia n riki n te nano ni kaakawari n te mweenga. Rinanon te mwakuri n ibuobuoki ae teimatoa aio ti uota iai aron te akoi ao te iraorao ae riaon ara kaakawari ni katoa namwakaina. Ao man ara tararua akanne a bon bane ni warekaki.

“Nanou ae korakora bwa N na butiia ara titita bwa ana katoka raraomaia ibukin tangiraia n te tareboon ke te kaakawari are e kakaraoaki ni katoa kuata ke ni katoa namakaina,” e taku Mary Ellen Smoot, te ka te 13 ni beretitenti ni kabuta n te Bootaki n Aine. E butiira bwa “ti na kabanei nanora ma ti aki n ti tangiriia.”4

Beretitenti Spencer W. Kimball (1895–1985) e reireinira, “E bon kakaawaki bwa ti na beku imarenara inanon te abanuea” E ataia bwa tiaki mwakuri n ibuobuoki ni kabane a na riki bwa mwakuri n ibuobuoki aika korakora. “Angiina n tainako, ara mwakuri ni ibuobuoki a riki man te kaungaunga ae beebete ke te angaanga … ibuobuoki ma mwakuri aika ti taneiai iai,” e taku, “ma ai mimitongira mwiina are e kona n riki … man mwakuri aika uarereke ma iai aaia!”5

© 2012 iroun Intellectual Reserve, Inc. A bane n tauaki mwiin taian kariaia ibukin katootongana.Boretiaki n te USA. Kariaiakaki n te Ingiriti: 6/11. Kariaiakaki rairana: 6/11. Rairakin te Visiting Teaching Message, September 2012. Kiribati. 10369 859

Bwaai aika a na taraaki

  1. Thomas S. Monson, “Tera ae I a tia ni Karaoia ibukin Temanna n te Bong aei?” Riaona, Nobembwa. 2009, 85.

  2. Taraa Aeniboki 2: Babairean aron Kairan te Ekaretia (2010), 9.5.1.

  3. Taraa Aeniboki 2, 9.5.4.

  4. Mary Ellen Smoot, inanon Daughters in My Kingdom: The History and Work of Relief Society (2011), 117.

  5. Teachings of Presidents of the Church: Spencer W. Kimball (2006), 82.

Tera ae I Kona ni Karaoia?

  1. Ngai I kakaaea te kairi mai eta ibon irou ni kan ataia bwa N na kangaa ni kaeka kainnanoia aine n tatabemaniia nako n tamneia ao n rabwataia ake I mwiokoaki bwa N na tararuaia?

  2. A na kangaa aine ake I tararuaia n ataia bwa I tabeakiniia ma aia utu?