Tuhlihk Srihsrihk

Nuhnak Muhnahs Use Engan

Prestuhn Uchtdorf el luti lah kuht enenuh nuhnak muhnahs nuh sin mwet ke sucu lasr uh. Liye lah sulwaclah lal Joseph ac Anna ah ekuhllah fuhkah sucu lalos ah.

Joseph ac tahmtahel srihsrihk se wiyacl, Anna, tuhkweni sritacl . Anna el eslah mwe sritacl nahtuhl Joseph ah luhkwel. Meac Joseph el enenuh in oruh ah?

Joseph el foloyak sel Anna. Anna el tuhng. Ninac kiyacl Joseph ah kael ke srihpen el ahngonkahs nuh sin tahmtahel se wiyacl ah. Joseph el ahsor lah el oruh sulwaclah koluk.

Joseph el nuhnak muhnahs nuh sel Anna ac konwacack sie mwe sritacl sahyac in sritaclkihn. Elos tuhkweni sritacl engan. Ninac kiyacltahl ah engan lah Joseph el kuhlwacng nuh sin tahmtahel se wiyacl ah ac karihngihn sucu in mihslac. Joseph el puhla engan ke el sulwaclah in nuhnak muhnahs.

Tohkoh, Joseph ac Anna enenuh in kahsruh ninac kiyacltahl ah ahkolah mongo in ekuh. Joseph el tiac kahsruh. Meac Anna el enenuh in oruh?

Anna el tohrkahskahs nuh sin ninac kiyacl ah. Anna el akuhkuhin ke el muhkwena oruh orekma ah. Ke pacl in mongo in ekuh ah mwet nuh kwewa suhpwacr ke srihpen akuhkuhin ah.

Anna el nuhnak muhnahs nuh sel Joseph ac kahsruh ke orek mongo in ekuh ah. Ninac kiyacltahl ah el sruikihn ke kahsruh lal Anna. Sucu se engan ke pacl in tuhkweni mongo in ekuh. Anna el puhla wo lah el sulaclah in nuhnak muhnahs.

Sulwaclah lom in nuhnak muhnahs uh ekuhllah puhla engan luhn sucu lom an fuhkah?