Mwet Fuhsr
Pruhe ac Mihslac
Sie ekuh ah nga akuhkuhin nuh sin ninac kiyuck ah ac koluklac insiyuck. Na nga sulwaclah lah nga enenuh in pruhe. Finne nga tiac puhla wo ac sruhnga oruh ma ke “nguhn,” nga etuh lah pruhe kuh in kahsrweyuc puhla engan ac tiac luhngse akuhkuhin. Tukun ninac kiyuck ah som liki infuckihl sac, nga muhtwacwacack pruhe. “Pahpah Lucng kuhlwacng, nga tuhkuh nuh Sum ofong ke srihpen …” Moh. Nga ikacslah muhtuhk ac orwaclihk pouk; puhsrwen ake. Nga sulpac srihke. “Pahpah Lucng, nga enenuh …” Ma sac puhsrwen ake pac. Nga puhla Setuhn el srihfeyuc in fuhlweack ke pruhe luhk in siyuck sin Pahpah Lucng ke kahsruh.
Nga sana moklweyuck in fahk kuloh! Pwacnwacng nga oruh, ac nuhnak muhtwacwacack kahklah ke mwe nuhnak luhk uh ke ma puhkantwen nga kuh in fahk kuloh kac nuh sin Pahpah tuhmuhk Inkuhsrao. Ke nga ahksahfye fahk ke ma nga kuloh nuh Sel kac ah, nga sramsramkihn elyah luhk.
Tohkoh nga puhla mihslac ke insiyuck, nguhn ahkfucsrfucsrye puhla luhk lah nga etuh Pahpah tuhmasr Inkuhsrao ac pahpah ninac kiyuck elos luhngse nga ac nga pa sie tuhlihk nuhtin God. Nga kuh in taltal koluk nuh sin ninac kiyuck ah ac insese nuh ke taltal koluk lal.