Mga kabataan

Ang Pagpatawad Nagadala sing Kalipay

Si Pangulong Uchtdorf nagatudlo nga dapat kita magpatawad sa aton mga miyembro sang panimalay. Tan-awa kon paano ang mga pagpili nanday Joseph kag Anna nakaapekto sang ila panimalay.

Si Joseph kag ang iya manghod nga babayi nga si Anna updanay sa paghampang. Gin-agaw ni Anna ang hampanganan ni Joseph. Ano ang dapat himuon ni Joseph?

Si Joseph nangakig kay Anna. Si Anna naghibi. Si Joseph gindisiplina sang iya iloy sa pag-away sa iya manghod. Si Joseph naghinulsol nga naghimo sia sing indi maayo nga pagpili.

Ginpatawad ni Joseph si Anna kag nagpangita sing iban nga hampanganan nga hampangan. Masadya sila nga naghampang. Ang ila iloy nalipay nga si Joseph nangin mabuot sa iya manghod kag gintipigan ang katawhay sa ila panimalay. Nalipay si Joseph nga ginpili ang magpatawad.

Sang ulihi, ginkinahanglan nanday Joseph kag Anna nga buligan ang ila iloy sa paghanda sang panyapon. Si Joseph wala nagbulig. Ano ang dapat himuon ni Anna?

Si Anna nagreklamo sa iya iloy. Si Anna nagpakiglalis parte sa paghimo sing ulobrahon nga sia lang isa. Sa panyapon, ang kada isa indi malipayon tungod sang mga paglinalisay.

Si Joseph ginpatawad ni Anna kag nagbulig sa paghanda sang panyapon. Ang ila iloy nagpasalamat sa bulig ni Anna. Ang ila panimalay nalipay nga updanay sila sa panyapon. Si Anna nalipay nga ginpili niya ang magpatawad.

Paano bala ang inyo mga pagpili nga magpatawad nagaapekto sang kalipayan sang inyo panimalay?