E rave‘a apî no te tauturu i te mau melo ia faaineine i te mau i‘oa utuafare

I roto i te hoê rata no te 8 no atopa 2012, te ani manihini nei te Peresideniraa Matamua i te mau melo—te feia apî e te feia apî paari ihoa râ—ia farii i te îraa o te mau haamaitairaa o te hiero na roto i te faaineineraa i ta ratou iho mau i‘oa utuafare no te hopoi atu i te hiero.

Taa ê atu te reira, te mau taata « ua faaherehere ratou i te mau i‘oa utuafare, [te faaitoitohia’tu nei ratou] ia faahaere i te reira mau i‘oa ia ravehia te mau oro‘a e titauhia ».

No te tauturu i te mau melo ia haapa‘o i te ti‘aororaa a te Peresideniraa Matamua, te faaineine nei te Ekalesia i te mau rave‘a e i te mau iteraa, o te itehia i roto e 10 reo, i ni‘a i te itenati familysearch.org.

Ei hi‘oraa, aita i maoro a‘e nei, ua ravehia te tahi tauiuiraa i ni‘a i te new.familysearch.org tei parauhia Family Tree, na te reira e haamaitai i te ohipa aamu utuafare, inaha, e nehenehe ta te taata (1) e faatu‘ati e e rave amui i te tuatapaparaa, (2) e papa‘i i te mau haamaramaramaraa, e e tumâ i tei hape, e (3) e hapono ohie noa i te mau i‘oa o te mau tupuna no te raveraa i te mau oro‘a. E ite-atoa-hia i te taata te mau hoho‘a videos no ni‘a i te « Horo‘araa i te mau i‘oa i te hiero » e i te tahi atu huru haapiipiiraa i ni‘a i te itenati familysearch.org/treetraining.