Elder Craig C. Christensen

No te peresideniraa no te Hitu Ahuru

Ua haamata o Elder Craig C. Christensen i te tavini ei melo no te peresideniraa no te Hitu Ahuru i te 1 no atete 2012, i muri a‘e i to’na piiraahia i taua ti‘araa ra i te ava‘e eperera 2012.

Ua fanauhia o Elder Christensen e Sheron raua o Colleen Christensen i Roto Miti, i Utah, USA, i te ava‘e mati 1956, ua paari oia i te pae apatoerau no California i roto i te hoê « utuafare melo no te Ekalesia ». Ua faaite papû oia e, ua ti‘aturi tamau noa oia e, e parau mau te evanelia, noa’tu râ, ua tupu to’na iteraa papû i te rahi i roto i ta’na misioni i Chile.

« Ei misionare, ua vai tamau noa te hinaaro i roto ia’u ia ite au i te Varua Maitai, e ua tupu i te rahi to’u iteraa papû e ua riro mai ei ohipa papû », te na reira ra oia. I roto i ta’na misioni, ua roaa ia’na te here i te Buka a Moromona, o te vai noa nei â i roto i ta’na mau haapiiraa i teie mahana.

Ua riro o Elder Christensen ei melo no te pŭpŭ matamua e no te pŭpŭ piti o te Hitu Ahuru mai te matahiti 2002 mai â. Aita i maoro a‘e nei, ua tavini oia ei Raatira Faatere no te tuhaa faatere o te Autahu‘araa. Ua riro na oia ei peresideni no te Area Apatoa no Mexico, ei peresideni misioni no Mexico City East, ei episekopo, ei melo apooraa teitei, e ei peresideni misioni tĭtĭ.

I te fare haapiiraa teitei no Brigham Young, ua roaa ia Elder Christensen te parau tu‘ite bachelor no te ohipa matutu faufaa, e i te fare haapiiraa teitei no Washington, ua roaa ia’na te parau tu‘ite master no te faatere i te ohipa putu faufaa. Ua fatu e ua faatere oia i te tahi mau taiete hooraa pereoo e hooraa fare, e ua riro atoa oia ei orometua tono i roto i te mau fare haapiiraa teitei e rave rahi.

Ua faaipoipohia o Elder Christensen ia Debora Jones i te 28 no mati 1978. Te noho nei raua i Holladay, Utah, e e maha ta raua tamarii e e pae mootua.

© IRI