Ngeasek
Kmal Ungil Kesus er a Kurismas
Se er a kurael mo klou, e sel kmal klungiolel a bek el rak a sel Kesus er a Kurismas. Ngak me a telungalek er ngak a mlo meruul a pizza, mlo merael el mengitakl, e dirrek el mlo chelludel el kirel a ongdibel er a Kurismas. Aki milngitakl a chelitakl el ngar er a eua el kakerous el hu el ousbech a kakerous el klekedall er a chelitakl. A demak a mle blechoel osmerii tia el kesus loba a cheldecheduch er a Kursimas el rulemam me a ki lmangel el ungil a rengmam. A klengar a dimlak bo el ungil el uai sel Kesus er a Kurismas.
Se er a bla bok telkib el klou, e a delak a ulemuchel lomes er a kekerei el ngalek er a tonari, el Kelly a ngklel. A Kelly a mle blechoel el mei er a blimam se el bo el merek a skuul le delal, er a Patty, a ulureor. A Kelly a di ulekiuelek el meliuekl el uaia a kekeriei el bilis el—cherodech e chebuul. Ak mle blechoel el duoseb sel lemei a Patty el melai er a ngelekel e mechikemam el blai me a ongalek me a ki ngar er a budech.
Ng mle Ongeteruich me a Ongerung el Buil, e ngak a meral mlo chetik er a delak er a lolengit er a Patty me a Kelly el me teloi er kemam er sel Kesus er a Kurismas. Sel Kesus er a Kurismas. A delak a mlo klikmechur e menglou er a renguk el dmu el kmo, “Ng diak a ngera el bo el ngedechii.” E ng di ngak a mle medengei. Te di mo kma rokui el pizza er kemam. A Kelly a mo ocherchur er a cheliteklam. Ak mlo mesubed a renguk el kirel tia el mekngit el Kesus er a Kurismas.
Se el kesus, e a Patty me a Kelly a mlo teloi er kemam, me a ki mle chadecheduch e kadereuakl e mengitakl. A delak a mle medengei. Ng mle ungil. Ng mocha sueleb er a klebesei e te ulureng a sulam e mle meringel er tir a melmesumech e mo remei. Ak mlo mechiuaiu el mui a chelsel a renguk. Ak mlo metik er se el kmal meral meringelchad el beresent er a Kurismas a diak el bo lak se el de kaiuedoid er a delongeled. Ng bai meral tokubets el mo ungil e mo betok se el kid a merous er ngii.