Klumech er a Oldingel e Olisechakl, Ongeteruich me a Ongerung el Buil 2012

Oldingel e Olisechakl, Ureor er a Diak a Ulebengelel Klengar

Mosuub er tia el klumech, e a di lungil, e msodii lobengterir a rodos el moldingel er tir. Mousbech a ike el ker el smisicheterir a rodos e dirrek el rullii a Relief Society meng mo klou a belkul er a klengar kau.

siasing/Llecheklel

Olangch er a Relief Society

Klaumerang • Telungalek • Ngeseu

A oldingel e olisechakl a mesterir a redil, a techall el mo mengkar, melisich, e mo olisechakl er a ta me a tang—ng meral urerel a diak a ulebengelel klengar. Ng okiu a oldingel e olisechakl, e a rodos a olisechakl el ometechei er a Osobel e olngeseu el mengetmokl er a redil el kirel a klengeltengat er a diak a ulebengelel klengar.

“Kid a mo ‘omeklatk, olecholt, orrimel, e olisechakl, e mengemedaol er a [rebebil] el mei er a Kristo’ (Mesang D&C 20:59), el Rubak a dilu el okiu ocholt,” ng milekoi a President Spencer W. Kimball (1895–1985). Ng, millemolem el kmo, “A klaumerang er kau a ngii a kot el bedochel el teletael.”¹

Se el kid, a roldingel e olisechakl a merael mo klou a klemedengei er kid er a osisechakl er a ebangkleio, e a olchotel a klaumerang er kid a mo mesisiich e mo olengeseu er a rodos el tir a mengetmokl er tir el mo metecholb e moterekokl. Kid a mo olengeseu er a rebeches el chedal a ikelesia el mo mesisiich er a ebangkelio. A ikel odingel me a beltikelreng er kid a mo olngeseu el “melai er tireke el mla merael mo cheroid me te lmuut el mei e dirrek el mo melisiich a olchotel a klaumerang er tirke el tir a mla mo diak el mesisiich er a ebangkleio.”² E mengesuseu er a rodos el mei er a Kristo lokiu sel bol siseb er a templo.

“Kemiu a mo olsobel a klengar,” ng dilu President Kimball el mo er a roldingel e olisechakl, “e techa sebechel louchais eng di rebetok el ungil el chad el mesisiich er a Ikelesia er chelechal sils a uasei le ng kemiu a mla er a rekeblirir e milsterir a beches el uldasu, me a beches el ues er a ngarmedad. Kemiu a liluut el nguu orars. Kemiu a kilmengetii osengir. …

“Ka momes, kemiu a diak di molsobel er tirka el rodos, kom dirrek el olsobel er a rebecherir me a rekeblirir.”³

Ngara Chedaol Llechukl

Mesang Doctrine and Covenants 20:59; 84:106; 138:56

Ngar er a Reksi er Kid

A Profet Joseph Smith er a longederoder er a Relief Society, e ng dilu el kmo a redil a diak dil lomes er a remechebuul te bai dirrek el mo olsobel a klengar. Ng dirrek el ulsisechakl el kmo a redil er a Ikelesia a klou a ultutelir er a diak a ulebengelel klengar el ngii a urungulel a Chedam er a Babeluades.⁴ A dulekrael er tia el osisechakl el bilskid a Profet Joseph Smith, e kid el rodos er a Relief Society a sebeched el mo oureor el dmak el mengetmokl er a redil me a telungalek er tir el kirel a ike el mekreos el klengeltengat er a Dios.

“Mei e bo doba klechubechub el mo er a ta me a tang,” ng milleko a President Brigham Young (1801–77), “e dirrek [mei me kid] el mesisiich bo dungil el omes er a remechitechut el mo mesisiich, me tirke el omes me lomekrael er a remuiko el mo sebechir el di tir el mesa rolir.”⁵

© 2012 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/11. Kengei er a oidel: 6/11. Oidel a Visiting Teaching Message, December 2012. Palauan. 10372 881

Ngera Sebechek el Rulii?

Ng mekera Relief Society a longedmokl er ngak el kirel a ikel klengeltengat er a diak a ulebengelel klengar?
Ngera sebechek el meruul me a klaumerang er tirke el kumes er tir a merael mo mesisiich?