2012
Forfor Luti, sie Orekma luhn Molwelah
December 2012

Pweng ke Forfor Luti, Tisacmpuh 2012

Forfor Luti, sie Orekma luhn Molwelah

Pruhe in lutlutkihn kuhfa inge ac, ke pacl fal an, sramsramkihn yurin tahmtahel ma kowos muhtwacta nuh yohroh an. Orekmakihn kihsen siyuck an in kahsrwe kowos ahkkweye tahmtahel wiyowos an ac in oruh Rilif Sosaiti in ip utuftuf se ke moul lowos sifacna an.

Petsac
Akucl luhn Rilif Sosaiti

Luhlahlfongi, Sucu, Kahsruh

Forfor luti uh sang nuh sin muhtwacn uh pacl wowo in karihngihn, ahkkweye, ac luti sie sin sie el sie—orekma na pwacye luhn molwelah. Ke forfor luti, lutlut luhn tahmtahel uh ke aholyacn Mwet Lahngo ac kahsruh ahkoelah muhtwacn uh nuh ke mwe insewowo ke moul ma pahtpaht uh.

“Kuht pa ‘in sensenkihn, ahkuhtweyac, kwacfe, ac luti, ac suli [mwet sahyac uh] in tuhkuh nuh yurin Kraist’ (liye D&C 20:59), oacna ke Leum el fahk ke fwackyuck lal ah,” Prestuhn Spencer W. Kimball el fahk (1895–1985). Sifilpac, el fahk, “Fahkwack luhlahlfongi lom pa sie inkacnek na wo in sruhmuhn sie pweng.”1

Ke kuht mwet forfor luti uh ahkyohkye etwacack lasr ke ma pwacye ke wosasuc uh, fahkwack luhlahlfongi lasr uh ahkkweyeyuck ac tahpuhk tahmtahel ma ahkolah in pacptaislac ac ahkkweyeyucklac uh. Kuht kahsruh mempucr sasuc uh in wi ma nuh kwewa ke wosasuc uh. Muhtwacta ac luhngse lasr uh kahsruh “fohlohkohnma elos suc tuhlac [ac] ahkfokokoye insiyaclos suc muhnahslah ke wosasuc uh.”2 Ac kuht ahkkweye tahmtahel uh in tuhkuh nuh yurin Kraist ke wi nuh tempuhl uh.

“Kom ac molwelah nguhna uh,” Prestuhn Kimball el fahk nuh sin mwet forfor luti uh, “ac suc kuh in fahk tuhsruhk tuh mwet fokoko wolacna pucspucs ke Alu mihsenge uh fokoko ke srihpen kowos oasr in lohm selos an ac sang nuh selos sie ngwetngwet sasuc, sie aruhrruhma sasuc. Kowos ahkkahlwemye nuh selos ma elos tiac etuh. Kowos ahkyohkye pekuhsra lalos an. …

“Kowos liye, kowos tiac molwelah muhkwena tahmtahel inge, tuhsruhk oacyacpac mukul tuhmwaclos ac lohm selos uh.”3

Ke Ma Suhmuhslah uh

Doctrine and Covenants 20:59; 84:106; 138:56

Ke Sramsram Mahtuh Lasr

Ke Mwet Pahluh Joseph Smith el akiyac Rilif Sosaiti ah, el fahk lah muhtwacn uh ac tiac karihngihn muhkwena mwet suhkahsruhp uh tuhsruhk oacyacpac molwelah nguhna uh. El oacyacpac luti muhtwacn ke Alu uh in eis kunohkohn yohk srihpac ke plwacn in molwelah luhn Pahpah Lucng uh.4 Kolyuck ke ip yohk ma lutiyuck sel Mwet Pahluh Joseph Smith, kuht ma ekihn tahmtahel ke Rilif Sosaiti uh kuh in tuhkweni orekma in ahkoelah muhtwacn ac sucu lalos uh nuh ke mwe insewowo yohk emet luhn God uh.

Lwelah kuht in luhngse sie sin sie,” Prestuhn Brigham Young el fahk (1801–77), “ac lwelah [elos suc] fokoko in kahsruh mwet muhnahs in kuhi, ac lwelah elos suc kuh in liye in kol mwet kun uh ne ke elos kuh in sifacna liye inkacnek uh.”5

© 2012 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/11. Ahkkweyeyucklac ke lweng: 6/11. Lwenglah luhn Visiting Teaching Message, December 2012. Kosraean. 10372 868

Mwe kahsruh

  1. Spencer W. Kimball, ke Daughters in My Kingdom: The History and Work of Relief Society (2011), 116.

  2. Eliza R. Snow, ke Daughters in My Kingdom, 83.

  3. Spencer W. Kimball, ke Daughters in My Kingdom, 117.

  4. Liye Joseph Smith, ke Daughters in My Kingdom, 171–72.

  5. Brigham Young, ke Daughters in My Kingdom, 107.

Meac Nga Kuh In Oruh Uh?

  1. Rilif Sosaiti uh ahkoeyuclac fuhkah nuh ke mwe insewowo ke moul ma pahtpaht uh?

  2. Meac nga kuh in oruh in ahkyohkye luhlahlfongi luhn mwet nga karihngihn uh?

Print