Serafo
Anisi Emon Chienom
Fan eu ran nupwen ua achocho ne kaeo mettoch ren ai klassin seminary, sokkun memef mi amwarar a toriei. Atun ua anea ewe nessen faniten sorotan, ngang mi kuna mesen emon chienei seni ai sukun me ua mefi mi namwot ai upwe apasa ai kapasen pwarata ngeni i.
Mi fakkun fatafatoch ei memef, nge ua nuokus. Ua nuokusuti ika chienei epwe nikitiei, pun usun esapw i ewe sokkun aramas epwe mochen choni ewe Mwichefen.
A chemeto eu afanafan an Sister Mary N. Cook seni presetenin Ekkewe Fopun a tungor ngeni kich ach sipwe angang weires me nukuchar.1 Ua mochen ai upwe ei sokkun, iwe ua makkei echo taropwe ngeni chienei ewe nengin me ua pwarata ennetin ewe Mwichefen me ai tongen ewe Puken Mormon. Sorotan ewe ran ua wanong echo Puken Mormon, fitifengen me ai taropwe, non an we pwoto.
Ua mairu, chienei a fakkun etiwa ewe kapas allim. Non ena chok ran, i a ereniei met a kaeo seni an annea ewe Puken Mormon. Fitu wik murin, ua achufengir me ekkewe misineri. Muittir chok, ewe Ngun mi Fel a pwarata ngeni i pwe met a kaeo mi fakkun ennet. Am me ekkewe misineri aua kechiw nupwen niewe a erenikem mefian. Chienei we a paptais, me seman me inan ra mwar ren siwinin manauan.
Ua wesen pwapwa pwe ua pworacho ngeni ai nuokus ne wato ewe kapas allim non manauan.