2013
Kunn ngeni ewe Samon
February 2013

An Fefin Chon Amwa Poraus, February 2013

Kunn ngeni ewe Samon

Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churir me pwan aochu manauom ren aean Fin Anisi. Ren pwan ekkis poraus, kopwe nengeni www.reliefsociety.lds.org.

Sasing
Apungan Fin Anisi

Nuku, Famini, Aninis

Nengin minafo ngeni ewe Mwichefen—kapach Ekkewe Fopun repwe tonong non Fin Anisi, nengin mi niwinsefan, me aramas minafo—ngeni ach mwichefen mi namwot ngenir aninis me chiechien fefin chon amwa. “An chon mwichefen aninis ne apochokuna ekkewe chon mwichefen ra keran fiti ach Mwichefen pwan tori ewe angangen uweisefaninong ekkewe mi apwangapwang mi namwot,” Elter M. Russell Ballard Chon Ekkewe Engon me Ruemon Aposel a apasa. “Anean usun Fin Anisi … an epwe winiti [eu] sokkun mwich epwe anapano chiechi non Mwichefen. Chieneni ekkewe ir mi kaeo me ekkewe ra niwin sefan me tongeir ne uweirenong non Mwichefen me ren om angang.”1

Kich chon Fin Anisi, sia tongeni anisi chon mwichefen minafo ren ar repwe kaeo angangen Mwichefen, usun:

  • Aani eu afanafan.

  • Apasa kapasen pwarata.

  • Manaueni ewe annukun echikipin.

  • Fori asoren eu ne engon me pwan ekkoch asor.

  • Fiti angangen uruon famini.

  • Fiti angangen paptais me apungano fan itan ar kewe newo.

“Mi namwot epwe wor chiechi mi kirokiroch ne akinamwe chon mwichefen minafo non fan,” Elter Ballard a apasa.2 Kich meinisin, nge akkaewin an fefin chon amwa, mi wor wisach ne chieneni chon mwichefen minafo ne anisir ren ar repwe wesen kunn ngeni ewe Samon. (Alma 23:6).

Seni ekkewe Pukfel

2 Nifai 31:19–20; Moroni 6:4

Seni Ach Uruo

“Ren chommongun numpan aramas mi fiti ach mwichefen,” Preseten Gordon B. Hinckley a apasa (1910–2008), “sipwe fakkun achocho ne anisir non ar achocho ne kutta ewe an. Mi namwot unungat mettoch ngeni emon me emon ir: emon chiechi, eu wis, me nom fan tumun ewe kapas allim an Kot (Moroni 6:4).”3

An fefin chon amwa ina wiser ar repwe anisi ekkewe ra wisen mammasa. Chiechi epwe akkom, usun chok ei tuttunapen emon fopun non Fin Anisi a wisen amwa pwan emon fefin a watte seni. Ra apochokuna ar chiechi tori fansoun ra angangfengen won eu angangen animenim. Ra fakkun chiechi, me ra kapas usun ewe porausen An Fefin Chon Amwa, ir me ruemon ra tumun me ren “an Kot kapas allim.”

Preseten Joseph Fielding Smith (1876–1972) a apasa pwe Fin Anisi “a eu kinikinin ewe mun Kot won fonufan me … a anisi an kewe ir ra choni ne angei manau ese much non muun Samach we.”4

© 2013 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/12. Kapungunon chiakun: 6/12. Chiakun Visiting Teaching Message, February 2013. Chuukese. 10662 901

Esinesin

  1. M. Russell Ballard, “Members Are the Key,” Liahona, Sept. 2000, 18.

  2. M. Russell Ballard, Liahona, Sept. 2000, 17.

  3. Gordon B. Hinckley, “Every Convert Is Precious,” Liahona, Feb. 1999, 9.

  4. Joseph Fielding Smith, in Daughters in My Kingdom: The History and Work of Relief Society (2011), 97.

Met Ua Tongeni Fori?

  1. Upwe iotek fan itan chienei me tungor pwe ewe Ngun mi Fel epwe emwenikem non am angang ngeni pwium kewe?

  2. Ifa usun ach angang ngeni pwich kewe pwe repwe sinei pwe sia ennetin tongei?

Printini