Fal’ Yangaren
Sernag ngak reb e Tafagaer
Borran u napan ni gube bi’eg nifan e klas rog ko seminary, meyib reb e tafney ngog ni rib mangil. Napan ni gube bi’eg reb e lesson nifan e bin magid e rran, mugguy owchaen reb e fagar rog u skul mug thamiy nib gel ni susun ni ngug sernag e mich rog ngak.
Ma dariy fan rogon nib tomilang e bineye laem’, ya Gube rus. Be magafaen’ug ngay ni dabi mich’uwan ngog, baga ni bochan niwad ni gathi ir bee nira adag ni nge un ko fare Galasia.
Mug lemnag fapi thin krok Sister Mary ko fare general presidency ko fare Ulung ko Bpin ni Fel’ Yangren ni togoplug nag ngomad ni ngug muruwel gad nib gel magmad mang madangdang.1 Guba’adag ni ngug mang woed biney, ere mug yoloey ea babyor ko chi bpin ney mug yog e mich rog ko fapi riyul’ ko fare Galasia nge fare Babyor ku Mormon nib t’uf rog. Me bin ni megid e rran ngay mug tay reb fare Babyor ku Mormon, ko fare babyor rog, nga lane kabang rok.
Ere mug gin ngay, fare fagaer rog ea be fal’u wan ko fare gospel. Ere rofan nam nga m’on, ma mayog ngog e pinen nibe fil u lan fare Babyor ku Mormon. Me in e wik nga tomuren, mug yog ir ko fapi tamachib. Ma wad ni ka aram, me dugil u wan’ niyib ko fare Kan ni Thothup nib riyul’ e pin’en nibe fil’. Gamad yor’ fagli tamachib u napan nibe yog ea pi thamtham rok ngomad. Fare fagar rog e de n’uw napan me tawfe, me gin e gali labathir rok ya kar guyew e pinen nike thil u lane yafos rok.
Kiri falflaen’’ug ni kayog ni ngug gel’ ko pi magafaen’ rog kayog ni ngug fek fare gospel nga lane yafos rok.