Milwol ni Ngan Thapeg ni Ngan Nang, February 2013

Thilyegey ngak Somoel

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil. Ra tin ni ga ba adag ni ngam nang, man ko www.reliefsociety.lds.org..

Mich,Tabinaew, Ayuw

Pi walagey ni bpin ko fare Galasia — ka arragon e bpin nib fal yangren nibe yan ko Relief Society, pi walagey ni bpin nibe sul, nge kaboech nib biech ni kafni un ko Galasia — e be t’uf ea ayuw nge fagaer ko pi sensey rorad ko milwol ni ngan thapeg ni ngan nang. “Ba t’uf ni nge un fapi chonggin ko farwol yaba ga’fan ni ngayog ni ngan chariy rad man sulweg ea pi chonggin ni dankurbad ni ngan sul’ ngan un ko pi farwol,” ni yog Elder M. Russell Ballard ko fare Ulung I Ragag nge Lagruw I apostal. “Ngan kol’ fare sap ni fare Relief Society … e rayog ni nge mang [reb] fare gelngin nib gel’ niyma tafagaer nibay u lane Galasia. Mu dad nib som’mon ngak e piin niybe fil ngorad nge piin yibe sulwegrad, ma gimed t’ufegrad nga lane Galasia u fithik e pi mo’ulung romed.”¹

Ma gidad e pi chonggin ko Relief Society, ea rayog ni ngad ayuweged e pi chonggin e Galasia nib biech ni ngar filed e tin ni som’mon ko ngongol ko Galasia, niwad ni ngan:

Pi reb e numon.
Yog e mich.
Fol ko fare Motochiyel ko Baley Nag e Abich.
Pii’ e maligach nge kaboech niyma ognag.
Un ko farwol ko murwel nifan chipen e tabinaew.
Ngan tawfe man yibleyrad nifan e pi tabinaew rorad nikar m’ad.

“Ba t’uf e pi fagaer niyad ma motoyil ni ngan n’angin e pi memba ni ngar thamiyed niybe t’ufegrad u Galasia,” niyog Elder Ballard.² Gidad gubin, machane baga ni sensey niyma nang salpen be’ e bay e murwel rorad nib ga’fan ni ngan fagaer ngak e pi chonggin e Galasia nib biech ya biyang ko ayuw ni ngan aywegrad ni ngan dugliy rad ni ngan “thilyegrad ngak Somoel” (Alma 23:6).

Ko fapi Chep Nib Thothup

2 Nephi 31:19–20; Moroni 6:4

Cheppin Rodad

“Ere bochan nibe yo’or I yo’or e picha nibe un ko galasia,” meyog President Gordon B. Hinckley (1910-2008), “susun ni ngad athamgil gad ni ngad ayuweged yad ni ngar pat’gad ko kanawo’. Yad gubin nib t’uf dalip I ban’en rorad: reb e fagaer, reb e murwel, nge chathawliy nibay “fare thin nibmangil rok Got’ (Moroni 6:4).”³

Sensey niyma yan ngan nang salpen bee’ e yad bay u biyang ni ngan ayweg e picha’en niyad be matangiy. Pi fagaer e mayib ni som’mon, niwad ni buch ko reb e bpin ni walagdad ko Relief Society ni’ir reb e sensey niyma yan ngan nang fan be’ nib ilal boch. Yow ba sag’al ni ngar fagaer gow ngayan I taw nga bangiyal nikar murwel gow u ta’bang koreb e project ni ngan biech nag bangi ban’en. Miyow mang fagaer, ma napan nir weliyew marngagaen fare Milwol ni Ngan Thapeg ni Ngan Nang, yow lag’ruw nikan chathawliy row ko “fare thin rok Got nib mangil.”

President Joseph Fielding Smith (1876-1972) e yog ni Relief Society “e reb biyang nib ga’fan ko fare gil’lungun rok Got u daken e fayleng ma … kama ayweg e pi chonggin nib michmich ni ngar thapegedd ea yafos nib manemus u lane gil’lungun e Chitmangdad.”⁴

© 2013 ko Intellectual Reserve, Inc. Gubin ni mat’won ma bay. Kan yoloey u Merika Kan micheg nag ko thin nu Ngalis: 6/12. Micheg nag i pilyeg: 6/12. Ni Pilyeg ko Visiting Teaching Message, February 2013. Yapese. 10662 905

Mange Rayog Nggu Rin?

Susun ni ngug meybil nifan e cha’ni gamow ngug fith fare Kan Thothup ni nge powi’iy mow u napan ni gamow be machib ngak e pi walagmow ni bpin?
Uw pa’ngin ni gidad be pigpig ngak reb e pi walagdad ni bpin ni gidad be matangiy ni ngayog ni nge nang nib t’uf rodad?