Milwol ko Bin Somm’on e Presidency, February 2013
Bugithin nifan fareTamachib nibe Maer’waer’
Gachalpen Yesus Kristus ea yadbe paer ni murwel rorad ni ngar feked e gospel Rok ngak fare fayleng (muguy Mark 16:15–16). Machane, boch ngiyal ea ba momaw ni ngad fil’ed lu’gun’dad ni ngad weliyed marunga’agen ea mich rodad ngak e picha’en niyad bay u tob’dad. Bay boch chonggin e Galasia niyad tawa’ath ko numon ngak e gidii’ ni marunga’agen e taliw, ma bay boch niyad ma maer’waer’ fabe kireb rogon rad, tamra’, fa ka arragon niyad be rus ni ngar rin’ed.
Ere nga tungun, e guba a’dag ni ngug yog aningeg I ban’en ni rayog ni nge rrin yugbe ni nge fol ko fare motochiyel rok fare Tathapeg ni ngan machib nag fare gospel “ngak gubin e gidii’” (D&C 58:64).
Mang reb e Magael
Bugithin ni rigub adag ea yib rok St. Francis u Assisi ea ga’ar, “Machib nag fare gospel ni gubin ngiyal ma rab t’uf, man fana’ boch e thin.”1Wad niybe yog ko pi thin ney niybe nangfan ni fapi machib ni thi’ibi gel gel’ngin ea gathi yibe weliy.
Napan ni gadad ba yul’yul’ ma gidad be paer nib mat’aw rogon ko pi standards rodad, mma guy e gidii’. Napan ni gidad ra dag e falflaen’, ma ka arragon niyad ra guy.
Gubin e gidii’ ni ba’adag ni nge falflaen’’. Napan ni gidad chonggin e Galasia e gidad ra dag e magael ko fare gospel, ma gidii’ ea rayog ni ngar guyed ea falflaen’ miyad ra thamiy ea t’ufeg ku Got nibe suguy mabe po’ ulane yafos rodad. Yad ba’adag ni ngar nanged ko mangfan. Yad ba’adag ni ngar nanged fan e tin nib mith rodad.
Nira fekrad ko fare duwer niwad e “Mang fan ni rigab fal’falaen’” fa “Mang fan ni gubin ngiyal nib fal’ laninum’?” Fapi fulweg tabon ko tineye duwer, e arragon, ra wawliyey nib machalbog rogon ngareb e sabathin ni marunga’agen e gospel rok Yesus Kristus.
Mu Sabathin
Tabab I weliy marunga’agen e taliw—baga’ ngak e pi fagaer nge picha’en nib t’uf—rodad-ea wad niyib murus fab momaw’. Dariy fan ni nge paer ni arragon. Yog marunga’agen ea nan nike buch rodad nib thothup fa weliy marunga’agen e gosgos u Galasia u lan buch reb e sabathin ea rayog ni ban’en nib mom mab mangil fa’anra gidad ra athamgil ma gidad laem’ nib mangil.
Bpin rog, Harriet, ea rib mangil e pow rok nifan e biney. Napan ni gumow be paer u Germany, ma gay rogon ni nge weliy ban’en ni marunga’agen e Galasia nga fithik e sabathin rok nge pi tafagaer rok nge gidii’ nibe mada’nag. Woed biyay, ni fith bee nike uw rogon boch e weekend rok, me ga’ar, “Bineye ea Madnom ea buch ban’en nrib fal’el u galasia rog! Bay ba pagal nib fal’ yangren ni ragag nge nel’ e duw rok ni sakiy nga pa’wochen 200 ea gidii’ u lane mo’ulung rog nge weliy marunga’agen ea paer u lane yafos nib be’ech.” Fa, “Kug fil marunga’agen bee nib ppin ni 90 e duw rok nike yip’ boch ea gul’gul’ nib pag 500 urngin me pi’ ko fare program ko Galasia nima ayweg gubin e gidii’ u fayleng ere kan pi ngayan ngak e gubin u daken ea fayleng nike t’uf rorad.”
Baga ni gubin ngiyal, ni fapi gidii’ niyad ra rung’ag e tineye kiyad ba’adag ni ngar nanged boch. Yadra fith boch e duwer. Ma ireray kanawo’en ni ngan weliy boch marunga’agen fare gospel nib fal rogon, nib fal u wun’uy, ni danir og’og nag.
Ere chiney nibay e Internet nge social media, kiri mom’ ni ngan sabathin nag e piney nib mangil nga rogon ko kafram. Nen nib t’uf e kemus ni ngad athamgil gad ni ngan rrin’.
Ngan Sug ko Rir’.
Machane ba kireb, yarib mom ni ngan togopluw nag. Bay yo’or yay ni gadad ma tuwthin, ngan muning, fani yog nib kireb. Napan ni gidad ra domumuw, fa ni kireb nag laniyaen e gidii’, ma nen ra buch e gathi yadra adag ni ngar nanged boch marngagaen dad. Dabiyog ni ngan nang mang fan reb e gidii’ nike chuw ko Galasia fa danri uned ko galasia ni bochan bee nike yog ban’en nike kireb nag laniyaen rad.
Rib yo’or e to’togor u lane fayleng e daba’. Ma bochan ea Internet ni dariy ba mit e gidii’ ni rayog ni nge yog fa rrin ban’en ni dabin nang ko ir mini, ere kiri mom ni ngan yog boch e kireb nge thin nima gafugow nag laniyaen bee u online. Dammu lemnag ni gidad, fapi gachalpen niyma athpeg rok Kristus, ea bay reb e standard rorad, nib mangil boch? Fapi chep e be fil ni, “Ma gubin ngiyal’ nthingar umogned e thin ngorad ni bfel’ ma bay fan, ma thingar mu nanged rogon ni ngam pi’ed e fulweg nib mat’aw ko tin ke fith be’ nge be’ ngomed” Colossians 4:6).
Gub adag fare finey ni fapi thin rodad e ba tomilang niwad fare lane lang mabsug ko garathia. Rayog ni ngam finey rogon fapi tabinaew, wards, pi nam, ma ka arragon fare fayleng fa’an rayog ni ngad pofed ea bineye llowan nib mom?
Ngam Sug ko Mich
Boch ngiyal e gidad ma fek nga daken dad ni kaygi yo’or fa kireb ni yo’or u napan fapi gidii’ ni ngar motoyil gad ko fare gospel. Rib ga’fan ni ngad ted u wun’d ni fare Somoel ea dar lemnag ni gidad ea ngad thilyegrad.
Fare thilyeg ea mayib ni gathi daken e thin rodad machane u daken fapi pigpig u tharmiy ko fare Kan ni Thothup. Boch ngiyal e kemus ni buchyang ko fare mich rodad fa ban’en nike buch rodad ea ra nangin fare gumircha’ ni nge munguy fa nge bing fare mab ni rayog ni nge wawliy boch e gidii’ ni ngar thamiyed fapi riyul’ u daken fapi piningaen’ ko fare Kan Thothup.
President Brigham Young (1801–77) e yog ni manang nib riyul’ fare gospel u napan ni “guy fare pum’on ni dani chag ko thin, fa ba chag I non u fithik e gidii’, ni kemus ni nan rayog ni ngeyog e, “Gumnang, ni daken fare gelngin fare Kan Thothup, ni fare Babyor ku Mormon ea ba riyul’, ni Joseph Smith ea Profet rok Somoel.’” I yog President Young u napan ni rungag e bineye mich nib sobtaen’ ni, “Fare Kan Thothup nibe yib ko facha ea tomilang nag rogon ni ngug nangfan, ma magal’, rir, nge dagur ni dabi yim’ [e bay] u pawoch’eg.”2
Puwlageg ni bpin nge pum’on, nge michuwun’med. Fare Somoel ea rayog ni nge ga’nag fapi thin ni gimed beyog nge gel’nag. Got e gathi be fithmed ni ngam thilyegrad kemus ni ngam binged lugun’med. Fare murwel ni ngan thilyegrad ea gathi murwel romed— ya murwel rok facha nibe motoyil nge fare Kan Thothup.
Gubin e Chonggin e reb e Tamachib
Pi fagar rog nib t’uf, daba’ e bay yo’or pangin ni gathi wad kafram ni ngad binged lugun’dad ngad ser niged ngak boch e gidii’ fapi thin ni rib mangil ko fare gospel rok Yesus Kristus. Bay rogon ni gidad gubin— ni ka’arragon fare tamachib— ni dar mudugil u wan’ ni nge un kore murwel ney nib gaa’. Gidad gubin ni rayog ni ngad gayed rogon ni ngad fanayed ea tin ni gidad ba chagriy nge tin ni gidad ba adag ban’en ni nge ayweg dad ko fare murwel ni gaa’ ni ngan suguy fare fayleng ko tomilang nge riyul’. Me napan ni gidad ra rrin, gidad ra pat’ ko falflaen’’ nima yib ko picha’en niyad ba michaen’ mayad ba athamgil “ma ngam pired ni gimed e pi mich rok’ Got ni gubin e nigyal’” (Mosiah 18:9).
© 2013 ko Intellectual Reserve, Inc. Gubin ni mat’won ma bay. Kan yoloey u Merika Kan micheg nag ko thin nu Ngalis: 6/12. Micheg nag i pilyeg: 6/12. Ni pilyeg ko First Presidency Message, February 2013. Yapese. 10662 905
Rogon ni ngan Fil ko Biney e Milwol
Reb rogon ni rayog ni ngam fil’ e ngam “tay e athamgil nga laniyaen’ e picha’en ni gabe fil ngorad ni ngar ted … e pi nan niyad be athpeg ni ngan monog nag ni ngayog ni ngar fol gad ko pi machib nikam fil ngorad” (Teaching, No Greater Call [1999], 159). Mu lemnag ni ngam piningrad ni gabe fil ngorad ni ngar yibleyed ea pi nam’ niyad be athpeg ni ngayog ni ngar serniged ngak reb e gidii’ fa boch e gidii’ ko bineye pul’. Gallabthir ea rayog ni ngar weliyew kanawoen ni rayog ni nge ayuw pafakrow nib bitir. Ka rayog ni ngam ayweg chonggin e tabinaew ni ngan lemnag fa ni yan u ya’an boch kanawoen ni rayog ni ngan uneg boch marngagaen fare gospel nga fithik e sabathin man lemnag boch ea gosgos ni bayni tay u Galasia ni rayog ni ngan pining boch e pi fagaer ni ngar uned ngay.