Mensahe sa Visiting Teaching, Pebrero 2013

Nahaylo sa Ginuo

Tun-i ining materyal sing mainampuon kag, kon nagakabagay, hambali ini upod sang mga sisters nga inyo ginabisita. Gamita ang mga pamangkot agud buligan kamo sa pagpabakod sang inyo mga sisters kag himuon ang Relief Society nga aktibo nga bahin sang inyo mismo kabuhi. Para sa dugang nga impormasyon, mag-logon sa reliefsociety.lds.org.

Litrato

Selyo sang Relief Society

Pagtuo, Pamilya, Bulig

Ang bag-o nga mga sisters sa Simbahan—lakip na ang Young Women nga manugsulod sa Relief Society, mga sisters nga nagabalik sa pagkaaktibo sa Simbahan, kag ang mga bag-ong hinaylo—tanan nagakinahanglan sing suporta kag pagpakig-abyan sang mga visiting teachers. “Ang pagpartisipar sang mga miyembro importante sa pagpabilin sang mga hinaylo kag sa pagpabalik sang indi-gawa aktibo nga mga miyembro sa lubos nga pagkaaktibo,” siling ni Elder M. Russell Ballard sang Korum sang Napulo’g Duha ka mga Apostoles. Mag-angkon sang panan-awan nga ang Relief Society … sarang mangin [isa sa] pinakamabaskog nga palasandigan sa pagpakig-abyan naton sa Simbahan. Magdab-ot sa gilayon sa sinang mga ginatudloan pa kag ginapabalik, kag palanggaa sila pasulod sa Simbahan paagi sa inyo organisasyon.”¹

Bilang mga miyembro sang Relief Society, sarang naton mabuligan ang bag-o nga mga miyembro nga magtuon sang tig-una nga mga buluhaton sa Simbahan, pareho sang:

Paghatag sang mensahe.
Pagpaambit sang panaksihon.
Pagpangabuhi sang layi sang pagpuasa.
Pagbayad sing ika-pulo ukon tithing kag iban pa nga mga halad.
Pagpartisipar sa buluhaton sang family history.
Paghikot sang mga bunyag kag kompirmasyon para sa ila nagtaliwan nga mga himata.

“Kinahanglan sing maatipanon nga mga abyan agud makabatyag ang bag-o nga mga miyembro nga komportable kag naabi-abi sa simbahan,” siling ni Elder Ballard.² Tanan kita, pero labi na gid ang mga visiting teachers, may importante nga mga responsibilidad sa pagpasad sang mga pag-inabyanay upod sa bag-o nga mga miyembro bilang isa ka paagi nga mabuligan sila nga mangin mapag-on nga “nahaylo sa Ginuo” (Alma 23:6).

Gikan sa Balaan nga mga Kasulatan

2 Nefi 31:19–20; Moroni 6:4

Gikan sa Aton Kasaysayan

“Sa tunga sang padayon-nga-nagadugang nga kadamuon sang mga hinaylo,” siling ni Pangulong Gordon B. Hinckley (1910–2008), “kinahanglan naton maghimo sing mas dako nga pagtinguha nga buligan sila sa pagpangita sang ila alagyan. Ang tagsa sa ila nagakinahanglan sing tatlo ka mga butang: isa ka abyan, isa ka responsibilidad, kag pagbatiti sa ‘maayong pulong sang Dios’ ( Moroni 6:4).”³

Ang mga visiting teachers yara sa posisyon nga buligan inang ila ginabantayan. Ang pagpakig-abyan sa masami nagauna anay, pareho sa isa ka bataon nga sister sa Relief Society nga amo ang isiting teacher sang isa ka mas may idad nga sister. Nangin mahinay ang ila pag-inabyanay tubtob nga nag-upod sila sa isa ka proyekto sang pagpaninlo. Nangin mag-abyan sila, kag samtang nagaistoryahanay sila parte sa Mensahe sa Visiting Teaching, pareho sila nga nabatiti sang “maayong pulong sang Dios.”

Si Pangulong Joseph Fielding Smith (1876–1972) nagsiling nga ang Relief Society “isa ka importate nga bahin sang ginharian sang Dios sa kalibutan kag … nagabulig sa iya sini matutom nga mga miyembro nga makaangkon sing wala’y katapusan nga kabuhi sa ginharian sang aton Amay.”⁴

© 2013 iya sang Intellectual Reserve, Inc. Tanan nga kinamatarong ginahuptan. Ginbalhag sa Pilipinas. Petsa sang pagtugot sa Ingles: 6/12. Petsa sang pagtugot sa paglubad: 6/12. Paglubad sang Visiting Teaching Message, February 2013. Hiligaynon. 10662 861

Ano ang Sarang ko Mahimo?

Nagapangamuyo bala ako para sa akon kaupod kag nagapangayo nga ang Espiritu maggiya sa amon sa amon pag-alagad sa amon mga sisters?
Sa ano nga mga paagi kami dapat magserbisyo sa tagsa ka sister nga ginabantayan namon agud mahibaluan niya nga nagaulikid gid kami sa iya?