Fal’ Yangren
Wenig Ningam Gol Nag Gum’racha’eg
Nap’an erran ni ke yim’ e walageg, Kug sul nga dakaen e cheppin rog mada’ ko ngiyal nike yim’. Kug pug erran gathi kemus e gafgow nib almarin machane urngin e taw’ath Got ke pii’ ngog.
Dabiyog ningu nang fan urrogon e gidii’ nima yoeg ni yam’ ku bee’ nib t’uf era pinning e taw’ath. Dabkug nang fan urrogon rayog ningu thapeg e faflaen nge magaer ko ban’en ni ke pii’ ngog e gafgow nib almarin. Reb e nep, machane, kug thiliyeg e lem rog nib polo’.
Kug od u lukngun e nep ni ke gafgow e gum’racha’eg nike kireb. Fare gafgow ebe uchluyeg. Kug ragbug nga but mug yornag e meybil ngak Got ni Chitamangdad nu Tharmiy. Ko gubin e yafas rog kug fil marung’agen e Bayul nge Yesus Kristus nge ma’ang’ang i gelngin ninge golnog. Chiney ke sikeng nag e mich rog. Gube michuwaen’? Kug fith e Chitamag u Tharmiy ninge golnag e gum’racha’eg. Marib almarin e gafgow ngog dabiyog ningu thap ni yogo’gag.
Me yib e thamiy ko gapas, gol, nge t’ufeg ni ke yib ko polo’ e doweg. Kug thamiy woed Got ke gamuchmuch e Pa’ ngog me matangiyeg ko gafgow ni gube thamiy. Kugbe tawreng nag walageg, machane rayog ningu guy ko reb sap nib thil’. Bay bo’or ea nen ni ngug fil ko biney e nen nike buch rog.
Gumanang ni tu’feg rok Somoel nge gapas nira yib. Kemus thingar dfeked boch.