Mulwol ko Bin Somm’on e Presidency, March 2013
Gapas, Dam Mithmith
Reb erran boechi duw ni ke yaen, tomuren kug mu’ boech e muruwel u office rog, Kug thamiy e thamtham nib gel ningu waen ngug nang fan rebe pinn ni ke yim’ pomm’on rok irbe paer ulane tafen e gidii’ nikar labthir ulane Salt Lake City. Kug waen u karo rog nib papay.
Nap’an kug taw nga singil rok, Demo’ bee’ riy’. Kug fith ngak bee’ ko bu’uw ni ke yaen ngan me pii’eg nga reb e singil ko tofan. Aram kug piry’eg cha’ney ma irbe sabethin ko e walagen nge reb e fagar rok. Kug sabathingaed mug faflaen’gaed uta’abang.
Nap’an e sabathin romaed, reb e mo’on ke yib nga singil ere rayog ninge fek e cola ko vending machine. Ke sap ngog me yog, “Arragon, i gur i Tom Monson.”
“Arragon,” Kug fulweg. “Gab wad ya’an i Hemingway.”
Ke yoeg i’ir e Stephen Hemingway, fak Alfred Eugene Hemingway, ni ke pigpig ni counselor rog nap’an gag reb e bishop boech i duw ni ke yaen mug pinning fithingan ni Gene. Stephen ke yoeg ni chitamangin e bay kore ta’abrogon e facility nam me ke chuchgur ni nge yim’. Gene e yugbe yoeg fithingag, nge tabinaew rok e kar gayed rogon ningar noned ngog machane dab kar piriyeg’ed e numba ko telephone rog.
Kug chuw ko pi cha’nem mug warow Stephen nga singil ko counselor rog, ni bay urngin e bitir rok nikar mo’olungaed, e pinn rok e ke yim’ boech e duw faram. Chongin e tabinaew kar lemnoged ni kug mada’nog e Stephen u tafen e tofan i’ir e fulweg ko e Got ni Chitamangdad nu Tharmiy ko adag roraed ningu guyed e chitamangraed ou’moon nira yim’ mug fulweg e ning rok. Mug thamiy ni ta’abrogon, bachane fa’anra Stephen dabki yib nga singil nem nap’an kug sabathin ko binem e ngiyal’ nike rin’, dabkug nang ni bay Gene ko rigin’nam.
Kug yibliynoged. Me yib e ya’el ko gapas. Kug sabathingaed nib fel’, ma tomuren kug waen.
Bin magid e kakadabil kug thapeg e phone call me yog Gene Heminway nike yim’— riliw e minute tomuren ke thapeg fare taw’ath ni kug pii’ew ngak i gag nge fak.
Kug gog e meybil ko magar ngak e Got ni Chitamangdad ko tharmiy ko ayuw Rok, ni ke pinninged ningu waen kore care center nem me pii’eg nga fagar nib t’uf ngog i Alfred Eugene Hemingway.
Guba’adag ningu lemnog ni lem ku Gene Heminway fare nep nem—nap’an kug thamiyed e gwael ko Ya’el, mug ninged e meybil nib sobut’aen’, mug pii’ed e taw’ath ko priesthood— Pilung, “Master, the Tempest Is Raging”:
Dam maen, O Tathapeg nib Taw’ath!
Dabkum pageg biyay,
Ma fithik e falfalaen e gura taw’ath nage dapil’aey
Mug tofan u dapil’aey nib fel’.
Kab t’uf e re tang nem rog ma gube micheg nima pi e gapas.
Dariy fan gelgin fare yoko’ u madaey
Fa mo’oniyan fa gidii fa demitrug banen,
Dariy ba pa’ I raen nira ful’ fare barkow ko gin nibay riy
Fare Pilune ko daey nge faileng nge tharmiy.
Yad gubin niyad ra fol rom:
Gapas, Dam mithmith.1
Udakaen e maap luwag nge sikeng, ufithik e rus nge kirebaen’, ufithik e amith ko gum’racha’ nge kirebaen’ ko yam’ e gidii’ nib t’uf, bay e milwol ni yafas nib manemus. En Somoel nge Tathapeg rodad i’ir e m’ag ko tin riyul’ ney.2 E thin rok e be u chepin thothup ba fel’: Dam mithmith, mu nanged I gag Got” (Psalm 46:10). Gube pii’ e m’ag ko riyul’ ney.
© 2013 ko Intellectual Reserve, Inc. Gubin ni mat’won ma bay. Kan yoloey u Merika. Kan micheg nag ko thin nu Ngalis: 6/12. Micheg nag i pilyeg: 6/12. Ni pilyeg ko First Presidency Message, March 2013. Yapese. 10663 905
Rogon ni ngan Fil ko Biney e Mulwol
E milwol ney ra pii’ ayuw ngak e gidii’ nike gafgow nike yim’ bee rok n fa gidii’ nibe gafgow ko sikeng. Ko milwol rok President Monson, mu lemog ningam pii’ reb e scripture, ko tin nib t’uf ko gidii’ ni ngam fil ngak: Job 19:25–26; 1 Corinthians 15:19–22; Mosiah 24:13–15; Doctrine and Covenants 122:7–9. Fa’anra be fel’, rayog ningam pii’ e m’ag marung’agen e gapas ku en Tathapeg ni ke pii’ ngom nap’an e sikeng.