Mulwol ni Ngan Fil ni Ngan Nang, March 2013

Ngan Sulweg Rad

Mu fil e re n’ey, ma rogon nib mangil, mag weliy ko boech e walagey nib ppin ni gabe guy. Mu murwel ko pi duwer ni nge ayuweg nem ni nge gel nag e pi walagem nib ppin man fal’eg fare Relief Society e bang ko yafas rom nib mangil. Ra tin ni ga ba adag ni ngam nang, man ko www.reliefsociety.lds.org.

Mich,Tabinaew, Ayuw

E profet rodad, President Thomas S. Monson, ke ning ayuw rodad ningad “kii’ pa’dad ngak e gidii’ niba t’uf e ayuw rodad mag chibiy’ raed nga lang nga reb e kanawo’ nge fel’ woen. Mu tay u wun’med ni iraray e muruwel ko Somoel, … ma napan gadad be muruwliy e tin ko Somoel, rayog ngodad e ayuw rok Somoel.¹

Boech i duw kafaram LaVene Call nge visiting teaching companion rok e kar mada’nogew e walagrow ni gathi ri mayib ko misa. Kar tugtuguyew e mab mar guyew e chitinngin ni fel’ yangren nibe ke chuw ko mad ko meluk. Ya’an e mar’, machane kar filew ni magowen rok e ke chingaw. Gali visiting teacher e kar paerew nga but mar nonew ngak fare chitinngin nib fel’ yangren nibe gafgow.

Tomuren kar ranow, kar yoegew, “I’ir e bitir ku Got.” Muruwel rodow ningad ayuwegew.” Ere yow ma mada’nag ni gubin ngiyal. Urngin e yay, kar guyew e fel’ mar thamiyew e thiliyeg nib fel’. Kar pinningew fare pinn ninge un ko Relief Society. Ke maerwaer’, machane ke ta’bab ninge yib. Tomuren e ayuw, ir nge pu’mon rok nge bitir nib pinn kar uned ko misa. Fare figirngiy ke thamiy fare Kan nib Thothup. Ke yoeg, “Bay gu rin’ e tin ni ba yoeg e bishop.” Chiney yaedma un ko Galasia kar m’agew pa’ ulane temple.²

Ke yib ko pi Chep nib Thothup

3 Nephi 18:32; Muguy ko Doctrine and Covenants 84:106; 138:56

Cheppin Rodad

Ayuweg e gidii’ ni kar malog ningar sulweg ko Gospel ku Yesus Kristus i’ir e muruwel ko Gidii’en Got ko Tin Tomur Erran nge urngin e chongin ko Relief Society. President Brigham Young (1801–77) ke yoeg, “Ngad gayed e gol ufithikdad nge reb, … nge e gidii’ rayog ningar guyed nra powiy’noged e gidii’ kar ma’ew mada’ ko rayog ningar guyed e woenrad bayay.”³

Eliza R. Snow, bin la’agruw e Relief Society general president, ke pinning e magar ko muruwel ko urngin e walagen nib pinn ulane Ogden, Utah, USA, ni ngar pii’ed gelngin nga reb. “Gumanang ni bay bo’or e ban’en ni kam pii’ed [ko e pigpig] ni darma un e [cheppin] babyor,” ke yoeg. Machane bay reb e cheppin u tharmiy ni kan yoloey ko muruwel ko urngin e walagey nib pinn ningar kii’ pa’rad ngak e gidii’ ni kan lumelnog e gum’racha’raed, ke yoeg: “President Joseph Smith ke yoeg ni biney e society kan yarmiy ere rayog ninge thapeg e ya’el. … Reb e babyor ni kan yoloey ko michaen’num, gol, nge ngongol nib fel; nge thin. … Dariy’ ba’nen ke nag”⁴

© 2013 ko Intellectual Reserve, Inc. Gubin ni mat’won ma bay. Kan yoloey u Merika. Kan micheg nag ko thin nu Ngalis: 6/12. Micheg nag i pilyeg: 6/12. Ni pilyeg ko Visiting Teaching Message, March 2013. Yapese. 10663 905

Mange Rayog Nggu Rin?

Ba fel’ laniyaen’nug ningu fith e less-active walageg nib pinn ninge un mug waerow nga mo’olung ko Relief Society?
Fapi walagdad ni gube matangiyrad e yaedma thamiy nib fel’ ni ngan fith e duwer ni marung’agen e gospel?