2013
Jerbal in Kōro̧o̧ltok
M̧aaj 2013

Naan in Katak an Kōrā, M̧aaj 2013

Jerbal in Kōro̧o̧ltok

Lukkuun ekkatak katak in im, n̄e ekkar, kōnono kake ippān kōrā ro jeim ak jatim kwoj loļo̧k. Kōjerbal kajjitōk ko n̄an jipan̄ eok kōkkajoorļo̧k kōrā ro jeim im jatim, im n̄an kōm̧m̧an bwe Doulul eo an Kōrā en m̧ōttan eo emourur an mour eo am make. N̄an meļeļe ko reļļapļo̧k, etal n̄an reliefsociety.lds.org.

Tōmak, Baam̧le, Deeor

Rikanaan eo ad, Būreejtōn Thomas S. Monson, eaar kōketak kōj n̄an “pukōt im jipan̄ ro rej aikuj jipan̄ eo ad im kotak er ilo iaļ eo eutiejļo̧k im wāween eo em̧m̧an. … En̄in ej jerbal eo an Irooj, im n̄e jej pād ilo iaļ an Irooj, … jej ribōk jipan̄ eo an Irooj.”1

Elōn̄ iiō rem̧ootļo̧k LaVene Call im rūkaki in lo̧ļo̧k eo m̧ōttan raar ļo̧ļo̧k juon jejtōr ejāniknik. Raar kōļļaļaļ ilo kōjām eo im lo m̧am̧a in em̧m̧an dettan ilo nuknuk in tutu eo an. Eaar āinwōt nan̄inmej, ak tokālik raar kūle bwe jorrāān eo ekar dānin kadōk. Rūkaki in ļo̧ļo̧k ro raar jijet im kōnono ippān m̧am̧a eo en̄taan.

Ālkin aer ilo̧k, raar ba,” E ej nejin Anij. Ewōr am eddo n̄an jipan̄ e.” Kōn menin eaar emakijkij aer ļoļo̧k. Kajjojo iien, raar maron̄ lo im en̄jake juon oktak eo em̧m̧an. Raar kajjitōk ippān jejtōr eo n̄an pād ilo Doulul eo an Kōrā ro. Men̄e ekar makoko, eaar pād aolep iien. Ālkin kōketak, E im ļeo pāleen im leddik eo nejin raar kobaļo̧k im kabun̄jar. Ļeo pālele eaar en̄jake Jetōb Kwojarjar. Eaar ba,”N̄aij pojak n̄an kōm̧m̧ane ta eo bisop eo ej kōtmāne.” Kiiō reniknik ilo Kabun̄ in im kar liāp ilo tampeļ eo.2

Jān Jeje ko Rekwojarjar

3 Nipai 18:32; Doctrine and Covenants 84:106; 138:56

Jān Bwebwenato eo Ad

Jipan̄ ro emōj tōl piloik er n̄an bar ro̧o̧ltok n̄an ko̧jpeļ eo an Jisōs Kraist iien otemjej ej m̧ōttan eo n̄an erom Armej ro Rekwojarjar ilo Raan-ko Āliktata im membōr in Doulul an Kōrā ro. Būreejtōn Brigham Young (1801–77) ekar ba, “Kōtļo̧k bwe jen tiriam̧o kōn doon, … im kōtļok ro remaron̄ loļo̧kjeņ n̄an tōl ro ripilo m̧ae iien remaron̄ lo iaļ eo kōn ermake.”3

Eliza R. Snow, kein karuo būreejtōn eo eutiej an Doulul eo an Kōrā, kar kam̧oolol im kūle kijejeto ko an jejtōr ro ilo Ogden, Utah, USA, n̄an kōkajoorļo̧k doon. “N̄a ilukuun jeļā bwe jerbal eo eļap emōj leļok ilo [naan in jipan̄ ko] me ejjan̄in tōpar [bok in rekoot] ko,” eaar ba. Bōtaab kile bwe juon rekoot an lan̄ ej jeik jerbal ko an jejtōr ro āinwōt aer pukōt ro būruweer em̧ōj an m̧ōloļo̧k, eaar ba: “Būreejtōn Joseph Smith eaar ba doulul in eaar ejaak n̄an lo̧mo̧o̧ren jetōb ko. … Bar juon bok ej jeje kōn tōmak eo am, am jouj, jerbal ko am rem̧m̧an, im naan ko. … Ejjeļo̧k men Meļo̧kļoke.”4

© 2013 jen Intellectual Reserve, Inc. Aolep jim̧we ko rej pād ippān. Kar jeje ilo USA. Kōmālim ilo kajin Pālle: 6/12. Kōmālim an ukook: 6/12. Ukook eo an Visiting Teaching Message, March 2013. Marshallese. 10663 874

Kakeememej ko

  1. Thomas S. Monson, “The Sacred Call of Service,” Liahona, May 2005, 55, 56.

  2. Leta n̄an būreejtōnji eo euteij an Doulul eo an Kōrā ro jen leddik eo nejin LaVene Call.

  3. Brigham Young, ilo Daughters in My Kingdom, 107. The History and Work of Relief Society (2011), 107.

  4. Eliza R. Snow, ilo Daughters in My Kingdom, 83.

Ta Eo Imaron̄ Kōm̧m̧ane?

  1. Ebwe ke aō leke n̄an kajjitōkin juon jejtōr eo ejāniknik n̄an pād ilo kweilo̧k eo an Doulul an Kōrā ro ippa?

  2. Jejtōr ro ij lale er raenemkwoj ke n̄an kajjitōk ippā kajjitōk ko kōn ko̧jpeļ eo?