Afanafan ren Ach Fansoun
Nesenin Pristut seni Melkisetek me Fin Anisi won aruanuan Raninfel epwe isoni fan iten “Afanafan ren Ach Fansoun.” Iteitan nesen epwe ammonata seni eu are ekkoch afanafan mi keran fis me non ewe mwichenapen mwichefen. Presetenin steik me tischrik repwe finata menni afanafan kopwe aea, are ra tongeni ewisa ei wis ngeni ekkewe pisop me presetenin pranch. Sou emwen repwe pesei ngeni ekkewe chon Pristut seni Melkisetek me fefin seni Fin Anisi ar repwe kaeo ekkewe afanafan mi nonnochok won Raninfel.
Ekkewe ir mi fiti nesenin aruanuan Raninfel mi pesepes ne kaeo me uwei ewe puken mwichenapen mwichefen ngeni ewe klas.
Ekiek ren Ammonatan eu Nesen seni Afanafan
Kopwe iotek pwe ewe Ngun mi Fel epwe nom reom nupwen ka kaeo me afanafan seni ekkewe poraus. Meni kopwe mochen ammonata ewe nesen seni ekkoch pisek, nge ekkewe afanafan seni ewe mwichenapen mwichefen mi kefinita. Wisom pwe kopwe anisi aramas ne kaeo me manaueni ewe kapas allim usun mi afanafan non ewe mwichenapen Mwichefen mi keran fis.
Kopwe eniwini ekkewe afanafan, kopwe kutta nongonong repwe apwonueta namoten ekkewe chon fiti ewe klas. Kopwe pwan kutta poraus, wokisin, me kapas seni ekkewe afanafan minne repwe anisuk ne akkaiti ekkei afanafan.
Kopwe föri tettenin ifa usun kopwe aiti ekkewe nongonong. Kopwe ekieki ika mi och om kopwe pachenong fitu kapaseis ne anisi chon klas:
-
Kopwe kutta ekkoch nongonong me non ekkewe afanafan.
-
Kopwe ekieki usun wewen.
-
Kopwe aporausa om weweiti, ekiek, poraus, me kapasen pwäratä.
-
Manaueni ekkei nongonong non manauer kewe.
|
Ekkewe Maram Ekkewe Nesen Repwe Afanafan Non |
Pisekin Nesenin Aruanuan RANINFEL |
|---|---|
|
April 2013–October 2013 |
Afanafanen ewe mwichenapen mwichefen non April 2013* |
|
October 2013–April 2014 |
Afanafanen ewe mwichenapen mwichefen non October 2013* |