Àwọn Ìkọni fún Ìgbà Wa

A ó ya àwọn ẹ̀kọ́ tí Oyè Àlùfáà ti Mẹlkisẹ́dẹ́kì àti ti Ẹgbẹ́ Aranilọ́wọ́ tí Ọ̀sọ̀ọ̀sẹ̀ kẹ́rin fún “Àwọn Ìkọni fún Ìgbà Wa.” A lè pèsè ẹ̀kọ́ kọ̀ọ̀kan láti àwọn ọ̀rọ̀ kan tàbí jù bẹ́ẹ̀ lọ tí a sọ nínú ìpàdé gbogbogbòò tí ó súnmọ́ jùlọ (rí àwòrán tí ó wà nísàlẹ̀). Àwọn ààrẹ èèkàn àti agbègbè lẹ̀ yàn àwọn ọ̀rọ̀ tí ó yẹ kí a lò, tàbí kí wọ́n fi ojúṣe yẹn lé àwọn bíṣọ́pù àti àwọn ààrẹ ẹ̀ka lọ́wọ́. Àwọn aṣíwájú ń ṣàtẹnumọ́ iyì ti kí àwọn arákùnrin ti Oyè Àlùfáà ti Mẹlkisẹ́dẹ́kì àti àwọn arábìnrin ti Ẹgbẹ́ Aranilọ́wọ́ máa ṣàṣàrò lórí àwọn ọ̀rọ̀ kannáà ní àwọn Ọ̀sọ̀ọ̀sẹ̀ kannáà.

Àá ń gba àwọn tí wọ́n npéjọ fún àwọn ẹ̀kọ́ ti Ọ̀sọ̀ọ̀sẹ̀-kẹ́rin láti ṣàṣàrò àti láti mú ẹ̀yà ti ìwé ìròhìn ti ìpàdé àpapọ̀ gbogbogbòò tí ó súnmọ́ jù wá sí kílásì.

Àwọn Àbá fún Mímúra fún Ẹ̀kọ́ kan láti Àwọn Ọ̀rọ̀

Gbàdúrà kí Ẹ̀mí Mímọ́ wà pẹ̀lú rẹ̀ bí ó ṣé nṣàṣàrò tí o sì nkọ́ni ní ọ̀rọ̀ (tàbí àwọn ọ̀rọ̀) náà. O lè ní àdánwò láti múra fún ẹ̀kọ́ náà nípa lílo àwọn èlò míràn, ṣùgbọ́n àwọn ọ̀rọ̀ ìpàdé àpapọ̀ ni ìlànà kíkọ́ni lẹ́kọ́ ti a fàṣẹ sí. Ojúṣe rẹ ni láti ran àwọn míràn lọ́wọ́ láti kẹ́kọ́ àti láti gbé ìgbé ayé ti ìhìnrere tí a kọ́ni nínú ìpàdé àpapọ̀ gbogbogbòò ti Ìjọ tí ó súnmọ́ jùlọ.

Se àtúnyẹ̀wò ọ̀rọ̀ (tàbí àwọ̀n ọ̀rọ̀) náà, ní wíwá àwọn ìpinlẹ̀ṣẹ̀ àti àwọn ẹ̀kọ́ tí ó bá àìní àwọn ọmọ ẹgbẹ́ kílásì mu. Bákannáà wá àwọn ìtàn, àwọn atọ́ka tí ìwé mímọ́, àti àwọn ọ̀rọ̀ ti a là sílẹ̀ láti ọ̀rọ̀ (tàbí àwọn ọ̀rọ̀) tí yíó ràn ọ́ lọ́wọ́ láti kọ́ àwọn òtítọ́ yìí.

Ṣe àkọsílẹ̀ ètò bí o ó ṣe kọ́ àwọn ìpinlẹ̀ṣẹ̀ àti àwọn ẹ̀kọ́ náà. Ronú nípa ṣíṣe àfikún àwọn ìbéèrè tí yíó ran àwọn ọmọ ẹgbẹ́ kílásì lọ́wọ́.

Ṣe àwárí àwọn ìpinlẹ̀ṣẹ̀ àti àwọn ẹ̀kọ́ nínú ọ̀rọ̀ (tàbí àwọn ọ̀rọ̀) náà.
Ronú nípa ìtunmọ̀ wọn.
Ṣalábápín òye, àwọn iyè inú, àwọn ìrírí, àti àwọn ẹ̀rí.
Lo àwọn ìpinlẹ̀ṣẹ̀ àti àwọn ẹ̀kọ́ wọ̀nyí nínú ayé wọn.

Àwọn Oṣù tí à á ń kọ́ Àwọn Ẹ̀kọ́	Àwọn Èlò Ẹ̀kọ́ ti Ọ̀sẹ̀- Kẹ́rin
Oṣù Kẹ́rin Ọdún 2013–Oṣù Kẹ́wá Ọdún 2013	Àwọn ọ̀rọ̀ tí a sọ ní ìpàdé gbogbogbòò ti Oṣù Kẹ́rin Ọdún 2013*
Oṣù Kẹ́wá Ọdún 2013–Oṣù Kẹ́rin Ọdún 2014	Àwọn ọ̀rọ̀ tí a sọ ní ìpàdé gbogbogbòò ti Oṣù Kẹ́wá Ọdún 2013*