Serafo
Emwen seni Nuku
Ewe chon makkei a nonnom non North Carolina, USA.
Ute monuki fansoun ua fetan won ewe nenien Winter Quarters, Nebraska, USA, minne chon akkomw ra nonnom fitu ier me noom. Ewe puun a mefi pwe a pinino, usun chok ua churi eu tempel.
Foun mesei mi uren chonun mas, me a epeti ai kuna. Ua kuna eu nios nge use tongeni kuna mesen ekkewe nios. Nupwen ua tonu mesei, ua kuna emon mwan me emon fefin minne a pwar osukosuk won meser. Nupwen ua nenneochu, ua kuna niosen emon monukon a nom non eu peias fan pecher.
Nupwen ua kuna ei ua uren chommong memmef: netipechou, song, kinisou, me pwapwa. Ua mochen angei seni ekkena Souneng ar metek, nge ua kinisou ngenir fan iten met ra asor fan iten ewe kapas allim.
Ai fansoun non Winter Quarters a anisiei ne weweiti pwe Semach won Nang a ngeni Noun kewe semirit ewe kapas allim me a mut ngenir ne pwisin finata met repwe fori. Seman me inan ena monukon ra tongeni finata ne fiti eu an mi mecheres. Ar tapweno ewe soufos me manaueni ewe kapas allim a anamwota ekkena chon akkomw ne fefeino ina mo ra peiaseno nour we semirit. Nge ra finata ne angei ewe kapas allim non manauer me ra etiwa ekkewe weires. Ua kaeo pwe an ekkewe Souneng pwon ngeni ewe kapas allim me ra mochen sopweno ne emwen seni nuku me epinukunuk—epinukunuk fan iten fansoun mwer mi ning me nuku pwe ewe Samon a sisineir me a tongeni aukukkuno ar metek.