Poraus seni Fefin Chon Amwa, July 2013
Afanafana me Kaeo ewe Kapas Allim
Kopwe anneani ekkei mettoch iwe, nupwen mi och, kopwe aporausa ren ekkewe fefin ka churir. Kopwe aea ekkewe kapas eis ne anisuk ne apochokuna ekkewe fefin ka churir me pwan aochu manauom ren aean Fin Anisi. Ren pwan ekkis poraus, kopwe nengeni reliefsociety.lds.org.
Nuku, Famini, Aninis
Jises Kraist a emon masta sense. A isetta ewe nenien appiru fan itach nupwen A aiti mwichen fefin me emon me emon pwisin, won ewe an me neset, arap ngeni ewe ito me non imwer. A pwarata tong me kirokiroch ngenir me a echikarerata me chon ar famini.1
A aiti Martha me Mary me “a tingoreir pwe repwe Noun kewe chon kuno me repwe angei manau ese much, ‘ewe mettoch mi pung’ (Luke 10:42) minne ete angei senir.”2
Non nouch kewe pukfel, ewe Samon a annuku ngenikich ne aiti fengenikich ekkewe annukun ewe muu (Nengeni D&C 88:77). Non an kapas usun afanafan me kaeo annuk, Cheryl A. Esplin, oruemon chon aninis non ewe presetensi an mwichenapen Kinter unusan, a apasa, “Ach kaeo ne unusen weweiti ekkewe annukun ewe kapas allim mi eu angangen unusen manauach me a fis ekkis me ekkis chok (Nengeni 2 Nifai 28:30).”3
Nupwen sia kaeo, stati, me iotek, sipwe afanafan ren ewe manamanen ewe Ngun mi Fel, minne epwe katou ach poraus “non netipen aramas meinisin” (2 Nifai 33:1).
Seni ekkewe Pukfel
Seni Ach Uruo
Ach kewe soufos ra achema ngenikich pwe a wor wisach mi auchea pwe kich fefin mi wisen sense non ewe imw me non ewe Mwichefen. Non September 1979, Preseten Spencer W. Kimball (1895–1985) a tingorei kich pwe sipwe “fin sineinap usun pukfel.” A apasa: “Oupwe winiti chon sinienap ekkewe pukfel—esap an epwe efeingawa emon ren kapas, nge ekireta!” Iwe, mi namwot ngeni io ne ‘aucheani’ ekkewe ennetin ewe kapas allim (minne ra tongeni nenengeni non fansoun mi namwot) nap seni ekkewe fefin me in mi fakkun akkaiti me tumunu?”4
Kich meinisin sia sense me chon kaeo. Nupwen sia afanafan seni ekkewe pukfel me ekkewe kapasen ach soufos mi manau, sia tongeni anisi ekkoch ne feito ngeni Kraist. Nupwen sia fiti ewe angangen kaeo me ren ach eisini kapas eis mi och me ausening, sia tongeni kuna pwonu mi fich ngeni pwisin namwotach.
Met Ua Tongeni Fori?
-
Ifa usun ai ammonata ne winiti emon sense mi angoch?
-
Ua aporausa ai kapasen pwarata ren ekkewe fefin ua mammasa?
© 2013 seni Intellectual Reserve, Inc. Meinisin pung mi kawor. A för non Amerika. Kapungunon non fosun Merika: 6/12. Kapungunon chiakun: 6/12. Chiakun Visiting Teaching Message, July 2013. Chuukese. 10667 901