Ngeasek
Belsiul lokiu a Klaumerang
A milluches er tiang a kiei er a North Carolina, USA.
Ng diak kubes er a kurael er a chutem er a Winter Quarters, Nebraska, USA, el kiliei er ngii a rungil el ruchelel. A kulmelchesiu er a chutem eng chedaol, ng diua kuldingel er a templo el ngar rrikl.
Ng mlo merael a chiuosech er a medak, e mlo mengab osengek. Ak milsang a dilukai eng di dimlak bo el sebechek el mtab a teletelel. Se er ak suld a chiuosech er a medak, e ak milsang a medal a sechal me a redil el mui er a klengit el reng. A bok keed e kumes, e ak milsang a teletelel a tolechoi el ngara debull el ngar bita er ocherir.
Tial ues a rirelak me ak mlo melechesuar a: klengit el reng, klsib el reng, saul, me a deureng. Ng mle soak el oridii se el ringel el blo lolechesuar a resanto, eng di osisiu el taem e ak kureng a sulir el kirel aike el blo el tenget el kirel tia el ungil chais.
Tia el blekerdelek er a Winter Quarters a ngilsukak el mo medengei el kmo a Demad er Babeluades a mesterir a rengelekel a tekingel e mechititerir me tousbech er a llemeltir el melilt el mo meruul er se el sorir. A roungalek er ngke el tolechoi a mle sebechir el ngiltii a beot el rael. Te mlo doklii a ngelekir eng di te ultirakl er a profet me tia el ngar el ungil chais el milngerechir er tirka el ruchelel el melemolem er a omerolir. Eng di te ngileltii tia el ungil chais er a chelsel a klengar er tir meng mle mesubed a rengrir er a ongarm el blo le chebangel. Ak silubii el kmo a dechal a rengrir a resanto el otireklii a ungil chais el melemolem er omerolir a mle ultuill er a klaumerang me a omeltkir—omeltkir er a klungiaol ngar mederir el klebesei me a klaumerang er tir el kmo a Rubak a mo ngosuterir er a ringel el bo el chelebangel.