Klumech er a Oldingel e Olisechakl, Ongeuid el buil 2013
Osisechalk me a Omesuub er a Ungil Chais
Moluluuch e mosuub er tia el klumech, e a di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau. A lmuut el bebil er a omesodel, e bo er a reliefsociety.lds.org.
Klaumerang, Telungalek, Ngeso
A Jesus Christo a mengeteklel osisechalk. Ngii a ulterkeklii a teletael se er a “lolsisechakl er a robdois el redil me a redersta el , nga er a rael me a tkul a daob, ngara bita er a chido me a chelsel a blirir. Ngii a ulechotii a beltik el reng el mo er tir e ulemekungil er tir me a telungalek er tir.”1
Ngii a ulsisecheklii a Martha me a Mary e “milengemedaol er tir el mo oltirakl er Ngii me bo lenguu a diak a ulebengelel el klengar, ‘se el ungil chelchedal [ Lukas 10:42] el diak bo lemengai el mo cheroid er tir.”2
Ngara chedaol llechukl er chelecha el uriul el klebesei, e a Rubak a mla dmu er kid el kmo “molisechakl er a tang me a tang a klemerang el osisechakl er a rengedek.” (D&C 88:77). Kirel a osisechakl me a omesuub er a klemerang el osisechakl, e a Cheryl A. Esplin, ongerung el counselor er a omerreder er a Primary, a kmo, “Omesuub el mo dmolech a klemedengei er kid er a klemerang el osisecheklel a ungil chais a ta er a omerael er a klengar el mei el ‘bades me a bades, llach me a llach, telkib er tiang me a telkib er sei’ (2 Nephi 28:30).”3
Se el dosuub, e doluluuch, e dolsisechakl, el obang a klisichel a Chedaol Reng, eng nguu a tekingel “el mo er a rengrir a rengelkir a resechal (me a redil)” (2 Nephi 33:1).
Ngar er a Chedaol Llechukl
Ngar er a Reksi er Kid
A reprofet er a mla memong a ulemeklatk er kid el redil el kmo ngar ngii a klou a ututelel deruchelled el olsisechakl er a blai me a Ikelesia. Se er a Ongetiu el buil er a 1979, e a President Spencer W. Kimball (1895–1985) a ulengit er kid me bo “de odos el chellimosk er a chedaol llechukl.” Ng dilu el kmo: “Bom chellimosk er a chedaol llechukl—e lak mouketui er a rebebil, e bai molisiich er tir! Meng uaisei, ng techang ousbech el ‘mengeluoll a klemerang’ er a ebangkelio (er a okedong el mo er tir er a taem er a usbechellir) er a redil me a rechedil el tir a omecheliu e olisechakl?”4
Kid el rokui a olsisechakl e mesuub. Se el dolsisechakl er a chedaol llechukl me a tekingir a rengar el profet, e kede olngeseu er a rebebil el mei er a Kristo. Se el dosuub e dorritel a ker e dorrenges, e kede mo metik a nger el mo sumechokl a usbechelled.
Ngera Sebechek el Rulii?
-
Ng mekerang a kungedmokl er ngak el mo ungil el olsisechakl?
-
A kuuchais er a klaumerang er ngak el mo er a rodos el kuldingel er tir?
© 2013 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/12. Kengei er a oidel: 6/12. Oidel a Visiting Teaching Message, July 2013. Palauan. 10667 881