Yut

Mekem Wan Ful Lis

Presiden Aering i talem ol toktok blong Presiden Spensa W. Kimbol (1895–1985) we i talem se: “ol jenol oli wan wei blong kaontem ol blesing, mo blong livim i stap wan lis blong ol blesing ia i stap, blong laen we i kam biaen long yumi i save ridim.” Long jeneral konfrens blong Oktoba 2012, Presiden Tomas S. Monson i bin givim testemoni blong hem we hem i bin raetemdaon long jenol blong hem. Hem i bin serem sam eksperiens blong laef blong hem, mo i ademap, “Jenol blong mi blong evri dei, we mi bin raet long hem long evri yia ia, oli bin helpem mi blong talem sam stret samting we bae mi no save talem, from se bae mi no save tingbaot.” Hem i givim kaonsel ia: “Mekem wan ful lis blong ol samting blong laef blong yu, mo lukluk speseli long ol blesing, olgeta we oli bigwan mo olgeta we oli smol, we yu bin kasem” (“Consider the Blessings,” Liahona mo Ensign, Nov. 2012, 86). Wok blong stap folem kaonsel blong ol profet ia, mo putum wan gol blong stap raet insaed long jenol blong yu.