Pweng ke Forfor Luti, Septempuh 2013

Kuh In-Sifacna

Lutlutkihn kuhfa inge ac, ke pacl fal, sramsramkihn yurin tahmtahel ma kowos muhtwacta nuh yohroh an. Orekmakihn kihsen siyuck an in kahsrwe kowos ahkkweye tahmtahel wiyowos an ac in oruh Rilif Sosaiti in ip utuftuf se ke moul lowos sifacna an. Nuh ke kuhtuh pac ma in etuh, som nuh ke reliefsociety.lds.org.

Akucl luhn Rilif Sosaiti

Luhlahlfongi, Sucu, Kahsruh

Kuh in-sifacna pa kuh, olwelah, ac orekma in oruh ma enenweyuck in ahkfalye mwe enenuh luhn nguhn ac mahno lasr ac sucu lasr uh.¹

Ke kuht lotwelah ac ukwe ip yohk ke kuh in-sifacna ke lohm ac mura lasr uh, kuht eis pacl wo in karihngihn ke mwet suhkahsruhp ac enenuh ac in kahsruh mwet sahyac in kuh in-sifacna eltahl in muh kuh in muhtweng pacl upac an.

Kuht mwesahs ac oasr ma kunacsr in orekmakihn sukohsohk in sulaclah lasr in eis kuh in-sifacna ke nguhn ac mahno. Sramsram ke kuh in-sifacna ke nguhn ac mwe enenuh lasr nuh sin Pahpah Lucng, Elder Robert D. Hales ke U luhn Mwet Sap Singucul Luo el luti: “Kuht eklac ac kuh in-sifacna ke ip luhn nguhn ke kuht pruhe in moulkihn olweacng lasr—nuh ke ipeis ke kuhfa luhn Leum, in nwacsnwacs in sruok pwepuh in lwelah nuh ke tempuhl, ac kihsackihn in kuhlwacnsapuh mwet sahyac uh.”²

Elder Hales el luti kuht in kuh in sifacna ke moul luhn mahno, “ac in eis lutlut tukun high school wi pac kuh lutlut ke orekma, lutlut in orekma, ac moul fal ke ma oasr lasr uh. Ke kahingkihn soemoul ac sefiyac mani ingena, kuht ahkolah ke kuhlwacnsap pacl nuh kwewa ke Alu uh ke yac tohkohyang uh. Srihpac kwewana ke kuh in-sifacna ke mahno ac nguhn oruh kuht in tu lucng liki met ah kuht in muh kuh in sruhkwack mwet sahyac suc enenuh.”³

Ke Ma Suhmuhslah uh

Mattu 25:1–13; 1 Timote 5:8; Alma 34:27–28; Doctrine and Covenants 44:6; 58:26–29; 88:118

Ke Sramsram Mahtuh Lasr

Tukun Mwet Luhlahlfongi ke Lwen-sahflah uh sun Infahlfahl Salt Lake, suc tuh ke pacl sac acn mwesis se, Prestuhn Brigham Young el kena elos in orwaclah wo ac muhsahelah lohm ne tok an. Kalmacn ma inge pa Mwet Luhlahlfongi uh enenuh in etwaclah orekma ma kuh in lwelah elos kuh in sifacna orekma. Ke orekma inge, oasr luhlahlfongi yohk se lal Prestuhn Young ke ohiyac, talan, luhlahlfongi, ac kena luhn muhtwacn an, ac el kwacfelos ke kain kunohkohn luhn mahno uh. Ke ma kunen tahmtahel luhn Rilif Sosaiti uh kwacna siena mihsenge uh, ip yohk uh srwackna oacna sie:

1. Lotwelah in luhngse orekma ac kahingkihn alsracngwesr.

2. Eis nguhn ke kuh in-kihsac.

3. Insese ke kunohkohn la sifacna ke kuh ke ip luhn nguhn, mahno, lutlut, orekma, mani, mongo, ac mwe enenuh in ahkkweye moul sahyac uh.

4. Pruhe ke luhlahlfongi ac puhlaik in sun ma upac uh.

5. Ahkfokokoye mwet sahyac suc enenuh kahsruh.⁴

© 2013 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/13. Ahkkweyeyucklac ke lweng: 6/13. Lwenglah luhn Visiting Teaching Message, September 2013. Kosraean. 10669 868

Mwe kahsruh

1. Liye Handbook 2: Administering the Church (2010), 6.1.1.

2. Robert D. Hales, “Coming to Ourselves: The Sacrament, the Temple, and Sacrifice in Service,” Liahona ac Ensign, Mei 2012, 34.

3. Robert D. Hales, “Coming to Ourselves,” 36.

4. Liye Daughters in My Kingdom: The History and Work of Relief Society (2011), 51.

Meac Nga Kuh In Oruh Uh?

1. Nga kahsruh tahmtahel nga karihngihn uh fuhkah in sokwack top nuh ke mwe enenuh lal ke ip luhn nguhn ac mahno uh?

2. Yac nga ahkyohkye kuh in-sifacna luhk uh ke ahkolah ke kuhfa luhn Leum ac kihsackihn in kuhlwacnsap uh?