Lamharon
Ang Regalo nga si Jen
Ang tagsulat nagaistar sa Utah, Estados Unidos sang Amerika.
Nakahimo ako sang pila ka sala nga mga pagpili sang yara ako sa akon ika-duha nga tuig sa high school. Atong mga pagpili nagresulta sa seryoso nga mga konsikwensya kag kalisod, kag nagdesisyon ako nga gamiton ang bakasyon sang summer agud magsugod sa paghimo sang mga pagbag-o. Pagsugod liwat sang klase, nagapanyaga ako sa sulod sang paliguan ukon sa wala tawo nga pasilyo agud makalikaw sa indi manami nga mga kaangtanan nga nagahulat sa pag-abiabi sa akon.
Wala pa gid ako makabatyag sang pareho sadto nga pag-isahanon.
Dayon ang Dios naghatag sa akon sang isa ka regalo: Ginpadala Niya sa akon si Jen. Wala gid niya ako ginhusgahan sa akon mga sayop kundi ginapaisog ako nga magpadayon sa husto nga alagyan. Ang paghibalo nga ara sia sa eskwelahan nagbulig sa akon nga magpadayon sa pagbasa sang balaan nga mga kasulatan kag magpabakod sang akon panaksihon. Pag-abot sang graduation, naprobahan ko sa akon kaugalingon nga desidido ako magbag-o.
Ginapanumdum ko kon kis-a kon sa diin na ayhan ako subong kon wala si Jen nagdab-ot sa akon. Napanindugan ko ayhan ang akon mga prinsipyo kon wala sia? Sa maayo nga palad, indi ko na ina mahibaloan bangud yara sia pirme sadto sing may bug-os nga tagipusuon, nga handa kag maluyag magbulig sa akon.