Ngeasek
Sengk er a Jen
A milluches a kiei er a Utah, USA.
Ng betok el mekngit lomeruul a kriruul er a kungeteruich el skuul er a high skuul. Aikal mekngit lomeruul a mlo uchul a klengitelreng, me ak ulemdasu ousbech er sel taem el diak a skuul el mo melodech. Sera luut lomuchel a skuul, e sel bol temel a sueleb ea kumengur er a chelsel a ochertoll malechub a bechachau el basio el mengeroid er ngak er a mekngit.
Ng dirkak a tang me kumelchesiu el sabisi el uaisei.
E sola ea Dios a milskak a sengk: Ng uldureklii a Jen el mei er ngak. Ng dimlak a ta me lorritel a mekngit lomerellek ng bai millisiich er ngak me kulemolem el ngara melemalt el rael. Sel klemedengei er ngak el kmo ngara skuul a ngilsukak el melemolem el menguiu chedaol llechukl e omekeroul er a klaumera er ngak. A bocha el temel omelilt, e ak mla oterkeklak el blak a renguk el mengodech.
Bebil er a taem e a kora omdasu el kmo ak locha mekera er chelechal sils omko Jen a dimlak el ngesukak. Ng locha mle sebechek el melemolem el oltirakl osisechakl a lak ngii? Ak ngeltengat, el diak bo kudengei ele ngii a ulebengkek loba rengul rokir, e kldmokl e blak a rengul lolngeseu er ngak.