2013
Chedaol Urerel a Jesus Kristo: Omeob
October 2013

Klumech er a Oldingel e Olisechakl, Ongeteruich el buil 2013

Chedaol Urerel a Jesus Kristo: Omeob

Moluluuch e mosuub er tia el klumech, e a di lungil, e msodii lobengterir a rodos el moldingel er tir. Mousbech aikel ker el smisicheterir a rodos e dirrek el rullii a Relief Society meng mo klou a belkul er a klengar kau. A lmuut el bebil er a omesodel, e bora reliefsociety.lds.org.

Klaumerang, Telungalek, Ngeso

A Jesus Kristo a “milebii a eanged me a chutem” (3 Nephi 9:15). Ng kildmeklii lokiu a klisichel a priesthood, el ngara cheungel a dereder er a Demad er a Babeluades (mesa Moses 1:33).

“Ng kmal kired el mereng a saul el kirel a mellomes Lomeob el kildmkelii a beluulechad e ngoikid el mei er ngii,”ng millekoi a President Thomas S. Monson, “… me luchul e de ngara skeng, el ngii a techall el de meterriter me luchul e bol sebeched el ngmai aikel rokui el Dios a mla kudmokl el kired el mo melai.”1 Sel dolilt el mo oltirakl a llechul a Dios e douchel a rengud, e kede mo klikiid e lmuut el mo kiei Lobengkel.

A President Dieter F. Uchtdorf, el Ongeru el Counselor er a First Presidency, a millekoi el kirel a Blebelel a beluulechad el kmo:

“Kid a uchul e Ngii a milebii a beluulechad el rokir! …

“A denguu er a chad eng ngodech: e le dongaisisiu er a Dios, ea chad a diak el ngerang; eng di kid a rokui el tekoi el mora Dios.”2 Sel klemedengei er kid el kmo a Jesus Kristo a milebii a beluulechad el kired le kid el klou a belkud el mo er a Chedam er a Babeluades a sebechel choisisii a beltkil a rengud el mo er Tir.

Nga er a Chedaol Llechukl

Johanes 1:3; Hebru 1:1–2; Mosiah 3:8; Moses 1:30–33, 35–39; Abraham 3:24–25

Nga er a Reksi er Kid

Kid a mla obeob el uaia teletelel a Dios (mesa Moses 2:26–27), e ngarngii sel chedaol el ultekelled. A Profet Joseph Smith a millekoi er a rodos er a Relief Society me bol “kiei el kirel aikel [techellir].”3 Tiaikid el mesisiich el dodai, ea rodos er a Ikelesia er a Jesus Kristo er a Uriul-klebesei el Santo a mla mosisechakl el mo kiei el kirel aikel techellir lokiu okedmeklel a moktek er a Dios el kirir. “Sel lorael mo medengei el kmo te kmal techang—rengelekel a Dios el redil, loba teletael er a ulekeroul me a beltikelreng—ete mo er sel ngii a ultekellir el chedaol redil.”4

“Kemiu a mla soiseb er a chelsel a teletael el meruul loltirakl aikel ngii a Dios a mla dualem er kemiu,” ng millekoi a Profet Joseph Smith. “Alsekum e kom kiei loltrikal aikal osisechakl eng meral ungil e klebokel!—alsekum e kom kudmokl aikel ngercheliu, ea reanghel a diak bol meterob el chelmengiu.”5

© 2013 lokiu a Intellectual Reserve, Inc. Urrekodel a rokui el klisiich. Milluches er a USA. Kengei er a English: 6/13. Kengei er a oidel: 6/13. Oidel a Visiting Teaching Message, October 2013. Palauan. 10670 881

Uleklatk

  1. Thomas S. Monson, “Rurt er a Klengar,” Liahona, May 2012, 91.

  2. Dieter F. Uchtdorf, “Ng Klou Belkmiu er Ngii,” Liahona, Nov. 2011, 20.

  3. Joseph Fielding Smith, er a Rengalek el Redil er a Rengedek: Reksi me a Urerel a Relief Society (2011), 171.

  4. Rengalek el Redil er a Rengedek, 171.

  5. Joseph Smith, er a Rengalek el Redil er a Rengedek, 169.

Ngera Sebechek el Rulii?

  1. Ng mekera sel dosiik el mo medengelii sel chedaol teleteled a le choisisii a beltkil a rengud el mora Osobel?

  2. Kede mekera ochotii omereng el saul el kirel a blebelel a Dios?