Fokotuʻu ha Ngaahi Siteiki ʻi Loma mo Pālesi

Naʻe hanga ʻe ʻEletā Tāleni H. ʻOakesi mo ʻEletā M. Lāsolo Pālati ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo fokotuʻu ʻa e siteiki hono ua ʻi he ʻēlia Loma ʻItalí pea mo e siteiki hono tolu ʻi Pālesi Falaniseé, lolotonga haʻana ʻaʻahi ki ai ʻi Sepitema 2013 pea naʻe kau ai mo ha ngaahi fakataha ne fakahoko ʻi Liiti mo Menisesitā, ʻIngilaní pea mo Metuliti ʻi Sipeiní. ʻOku lolotonga langa ha temipale ʻi Loma pea ʻe vavé ni pē hano langa ha taha ʻi Pālesi.

Naʻe pehē ʻe ʻEletā ʻOakesi, “ʻOku moʻui mo tupulaki pea fakalakalaka ʻaupito e Siasí ʻi ʻIulope. Naʻe fakahā ange ʻe ʻEletā Pālati ki he kāingalotu ʻIulopé ʻoku totonu ke fakatokangaʻi ʻe he Siasí “ʻoku fakavaveʻi ʻe he ʻEikí ʻEne ngāue faifakamoʻuí pea kuo pau ke tau kau kotoa ki ai.”